1 Goriinto 1:21 - NEAJEEDA EESH BEA BUUNEESSEAN

²¹ Nea, aba weaghuumeeda Aseetta, ghanyea mwanala ng'eanyiida Aseetta aba naweeda weaghuumeeda, gohoosan Aseetta aba naweeda lendeetta bea ng'asheega surukkwiidiin ak abeeda geelealu fukka numwasiin.

Bibliyeeda Ghaydit

²¹ Nea, aba weaghuumeeda ASEETA, ghanyea mwanala ng'eanyiida ASEETA aba naweeda weaghuumeeda, goohoosan ASEETA aba naweeda leendeedida bea ng'asheega sirukwiidiin ak abeeda geelealu fugiga nimwasiin.

1 Goriinto 1:21 Referans Kwoze

Lukka 10:21

Aba damandida gohoosan Gurorooda Ghaydiit ak gwayi, “Geabadischooweey Bwaabwa, Ng'uttamiida bea humng'eeda ea ng'eanyiida, aba gideaba gifnyi ng'asheesu fuga mideawa weaghumeeda ea gea mideawa fughareenga ak giihiimsi diibiga manang'i; Asaha Bwaabwa, ada gida igassiidi gil.

Mattayo 11:25

Aba damandida gwayi Yeesu, “Geabadiischoweey ea Bwaabwa was Ng'uttamiida humng'eeda ea ng'eanyiida, aba gideaba gufnyi ng'asheesu fuga weaghoodi ea fuga mideawa fughareenga akkihiimsi diibiga manang'i;

Efeeso 3:10

ak aba naweeda ganiisa abeeda weaghumeeda Aseetta meammu ettean abeeda ghwanal sugoodiga ea gheambalmeeda aba jeeda daroorakka humng'eeda.

1 Goriinto 1:24

nea aba heeda fuga suguura, sean Yahuudi ea Yunaani, Gristo ea uurda Aseetta ea weaghuumeeda Aseetta.

Ruumi 1:28

Hean nea ghwadaa gideaba mwahida gideaba gayghamwas Aseetta, ghwanung'waada Aseetta gwasin searoojiga munyas gasa fugheerga nyaawa.

Ruumi 11:33

Asi gitteenna meanang'oochcheandumeeda ea weaghuumeeda ea fughareeda Aseetta! Nea meammu eesikteawa girgweageadaannyi, nea naweadingaaschi ghanyea meegaseadayyi!

Lukka 12:32

“Adoabealli agoogeeda ng'ay, aba gideaba gagasa Ghweandeang'wa gideaba gahaguuw gagoneegwa sugoochcheandumeeda.

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

1 Goriinto 1:18

Aba gideaba ng'asheanda beehiida aba heeda fuga roodeadi leendeeda gil, nea aba heedeanya aseaseeda silealu ea uurda Aseetta.

1 Goriinto 1:23

amaduukku aseasa geerukkwiidi Gristoyda ghayi singoor, aba heeda fuga Yahuudi gwaruusa fii nea aba heeda fuga Emoojiga ea lendeeda gil,

1 Goriinto 1:25

Aba gideaba dasheaynatta Aseetta gaburdeawa muuchchi fughareeda buuneeda, nea ng'arng'aranda Aseetta gwandeawa uurda muuchchi ea ghoadaraam buuneeda.

1 Goriinto 1:27

iiduu ghwaloat Aseetta ng'asheekka sifool bea jeeda ng'eanyiidean ak ghoabwaaspwaas fuga mideawa fughareenga, ghwaloat Aseetta haleanjeeda ng'arng'ari mida ng'eanyiida ak ghoobwaaspwaas gea mideawa uurjeenga,

1 Goriinto 2:14

Siida maba guroorooda mayghwanyas gida jea ghoadaw Guroorooda Aseetta, aba gideaba aba headaannyi lendeeda gil, ak ea mayghwanal aba gideaba geaghus eanal aba jeeda guroorooda.

1 Goriinto 4:10

Aseasa geewooschi dasheahi appadayda Gristo, amaduu agooga goondeawi weaghuumeeda appadayda Gristo. Aseasa geewooschi ng'arng'ar, nea agooga goondeawi uurda. Agooga geesinneegwa mureeda, nea aseasa ghanyea meesinneasa mureeda.

1 Goriinto 6:2

Moanali gideaba fuga ghaydidi gaygoorgweaksa ng'eanyiida? Ama abeeda ng'eanyiida ijeaorgweaksiina agooga, abeeda ea moahiidi iyorgweaksi ng'asheega manang'i?

1 Goriinto 11:32

Nea iyargweakseasa Ng'uttamiida, geanung' eanyasa mureeda ak abeeda ea mergweakseasa sea fuga muunda ng'eanyiida.

Galattiya 1:15

Hean iiduw nea niloadaan Aseetta nea miyeejiilan, ak gaguurnean aba dagheerjeandumeadaannyi,

Galattiya 4:8

Ak aba damandida ghayi mii analana Aseettean, abeeda googadiyeesi fuga mawosa aseechcheekka.

Efeeso 1:9

Aba gideaba nideajiinneasa aba weaghuumeeda sean ea makcheameeda funyaat bea gitta gasean, aba gitta bada appadayda Gristo was gidagasa iihitta damandean,

Golosaayi 1:19

Aba niny gammiisa goobiida headaannyi haleanjeeda hidaat bea Aseetta,

Ebraniya 1:14

Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?

Ebraniya 2:3

aseasa gajeammuusa eemuldaan imeduuppi lealeanooda haw deenu? Aba gideaba ghayi nibay gwayi Ng'uttamiida ammwadi, ak gagoaneasa fukghayi iiy niny,

Ebraniya 7:25

Nea giduurji sean ghoammu aba damannyoojiga sean gwalealu fukka neekkiissa Aseetta aba ninyiin, nea niny gwanda galeagasean nea goduupchi saawa.

Yakkobo 4:4

Fuga mii doobiiweadi! Moanali gideaba idupcheewi geaw ng'eanyiida ea nihuuwi weajoochcheanda Aseetta? Asi siida wassean gasa goduupchi geaw ng'eanyiida abeeda ea nisin geaw weajoochcheanda Aseetta

Yakkobo 5:15

nea mooshta Aseetta aba masaweega gaygwalealu siida miyaan, ak gaygagatkat Ng'uttamiida; amadeeppa ea nisin ring'eega, abeeda gajeesamsa.

Yakkobo 5:20

abeeda ea danala gideaba siida adeelu siida ring'eeda ea gwarinna jeeda ramaseanda naweadaannyi gaygwalealna guroroadaannyi miyeeda ak gaygwadukuta seang'ayda ring'eega.