1 Goriinto 1:10 - NEAJEEDA EESH BEA BUUNEESSEAN

¹⁰ Geamucheegwa fuga eaduupcheewi aba gheawunga Ng'uttamiida was Yeesu Gristo, gideaba abaloolda gilagi oagasean, nea adagwanda dageascheedeang'wa fuurjeeda, ak gidabal goguuyi aba fughareanagi ea girgweageanagi.

Bibliyeeda Ghaydit

¹⁰ Geamuscheegwa fuga eaduupcheewi aba gheawunga Ng'utamiida was Yesu Gristo, gideaba abaloolda gilagi oogasean, nea adagwanda dageascheedeang'wa furjeeda, ak gidabal googuuyi aba fughareanagi ea girgweageanagi.

1 Goriinto 1:10 Referans Kwoze

1 Goriinto 12:25

ak abeeda ea dardaawaat saseeda, ak abeeda gang'ula geat roobuutka, gaba roobadeeni ng'ula nuut.

Ruumi 12:16

Gagasa andeawana iitteaba geat agooga; adoaghwarji geat muuchchi aba gassooda ng'asheega hees, agassa ng'asheega manang'i. Adoahuuyi fuga jea ghaghuuda geat fughareeda.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

1 Goriinto 11:18

Aba gideaba gidamadeeda, iyoroonnyi nea goowoschi ganiisa, anayiinyi gideaba gwanda jeedeang'wa dardeayda; ak hich ghaamwaschi,

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

Ruumi 16:17

Ofuga eaduupcheewi, geamuscheegwa gideaba ang'ulla fuga eattu jaleadinga ea ng'asheega jea gwaruusa buuneeda, mawoosa giinealshooda ghayi sinnaleagwa; asi ohheelleewana geat.

2 Goriinto 5:20

Asi geewoschi fuga sichcheakta bea Gristo, hean gamusiischooweasa Aseetta. Geemearmearanneegwa appadayda Gristo, ottuupcheewana geat Aseetta.

1 Goriinto 4:16

Asi geamuscheegwa, ayeanni geeshteanyu.

Gadiyeeda Giijasoodiga 4:32

Nea ghamneawa bareannyeedeaba fukka ghayi mwasiin gaba guroroanagi ak ghanyea manda siida ayi haleanjeessean mideawa ghanyea maygwayi geasu, nii abeeda saawa goobareannyi haleanjeessean.

Yohaana 17:23

aniini gaydeabiida jeannyaawa nea gibiidi ang'iing'i jeedeanyu; gideaballi gemmajeek ak ghoaw gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gidubwariiydanaan aniini.

1 Desaloniikke 5:13

asissiina mureeda nea ghoawwalli gheang'da aba bariinyeega aba gadiyoojiga nyaawa. Gagasa abeaha weayda nea gobeayi geat.

Ruumi 12:1

Asi, geamuscheegwa fuga eaduupcheewi aba baydeayda Aseetta, oattayda sasanuukkeagwa ghoaw haleanjeeda majeekcheewi sigadoowanniida, ghaydit bwariiy Aseetta, nea baditteang'wa bea huumwa gil.

Yohaana 10:19

Hean gabiikta gichcha ghwadarda fuga Yahuudi appadaydeaba ng'asheesu.

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.

2 Dimoteo 4:1

Gearukuneey ng'asheesu aba madeeda Aseetta ea madeeda Gristo Yeesu ditta jea goorgweaksa fuga majeekjeew ea gea nimeewean aba gidaheachtaanyi ea aba gheambalmeadaannyi,

Filippi 3:16

Anung' eakghusa ging'ng'ooyda huumeanda aba gitta sinyaschiin.

2 Goriinto 10:1

Aniini Baulo, geamuscheegwa nea gabwageaw, aba garbabanda ea ng'eeninda Gristo, nea iissa geawoschi ng'eeni aba gheanyangeagwa, nea iyeawoschi sheageewaneegwa geawoschi daruus!

Yohaana 7:43

Hean ghwadarda buuneeda appadaydaannyi.

Marko 2:21

“Manda siida ammu gwalagu weasta hang'deesh ak ghawaasa hang'da waas. Iisisin ng'asheanji abeeda gayghwaloadadawa weastida eshiin hang'da waas ak abeeda ghami hang'da muuchchi.

Mattayo 9:16

Manda siida jea ghawaasa weasteesh hang'da waas. Aba gideaba weasteesh gayghabwaash hang'dida waasiin ak abeeda gayghoahaada seawadeeda.

1 Dimotteo 5:21

Ngasheanji gearukneey aba madeeda Aseetta ea madeeda Gristo Yeesu ea madeeda gijasoodiga humng'eeda siloat, sina ng'asheesu nea adilamwaji girgweaksiinda, nea adisini ng'asheanda aba shiitmeeda.

2 Desaloniikke 2:1

Asi ghamneawa aba iitta hinnooda Ng'uttamiideanya was Yeesu Gristo ea bassiinda jea eabwada geat ak gendeawi niny, geemuscheegwa, fuga eaduupcheewi,

Galattiya 4:12

Oorjoogiyya, geamuscheegwa awuurjeewaneani, aba gideaba aniini geawuurjeewaneegwa. Ea manda gilmuy noosinean;

2 Goriinto 6:1

Nea aseasa iisisinnyi gadiyeeda sea niny, hean geemuscheegwa gideaba adiiduw ghoanyaschi dagheerjeandumeeda Aseetta mwadaagha.

Ruumi 15:30

Fuga eaduupcheewi, geamuscheegwa aba naweeda Ng'uttamiideanya was Yeesu Gristo ea aba bariinyeega Gurorooda eang'ng'waanya geat ea aniini aba mooshta Aseetta aba madeeda Aseetta appadaydeanyu,

Yohaana 9:16

Gwayi Farisayajeega mwaatkwa, “Siisi maleapna heeda Aseetta aba gideaba moang'ng'waanya Sabatto.” Nea mwaatkwa gwayi, “Gayghoammuustaan siida ring'eeda gwasin gwadeagooda sunu? Hean ghwadarda buuneeda.”

Ruumi 1:13

Iiduw fuga eaduupcheewi, geagasayi anala, gideaba iissa geagasayi galeagasean wunooda heedeang'wa, (ak geattealan ea ghoaw ghamneawa), ak abeeda ghaanyaschi haghweega aba heedeang'a, gawuurji gidanyasti aba jeeda Emoojiga.

1 Goriinto 1:11

Aba gideaba nirukunean fuga Gloe gideaba gwanda jeedeang'wa jaliida, fuga eaduupcheewi.

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealleeda, abeeda mowosi fuga saseeda, nea ghoabeadi fuga geallaani?

2 Goriinto 13:9

Aba gideaba geehoosannyi isuwoschi ng'arng'ari ak gondeawi agooga uurda. Gissumwaashchi Aseetta gideaba gagasa amajeegiitta.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

Marko 3:24

Sugoochcheandumeeda imaweechchi sugoochcheandumeeni ea maygahuweada.