1 Desaloniikke 1:10 - NEAJEEDA EESH BEA BUUNEESSEAN

¹⁰ nea ghoammuughu Balleandaannyi jea gwaleabu humng'eeda, ghayi aduunna miyeeda, nea Yeesu gil, lealnaneasa nyarasta jea ghwahidu.

Bibliyeeda Ghaydit

¹⁰ nea ghoamuughu orjeedaanyi jea gwaleabu humng'eeda, ghayi aduuna miyeeda, nea Yesu gil, lealnaneasa nyarasta jea ghwahidu.

1 Desaloniikke 1:10 Referans Kwoze

1 Desaloniikke 5:9

Nea Aseetta ghayi masneasa ak abeeda ghwalas uhuudeanya, gagasa eanyasa lealeanooda appadayda Ng'uttamiideanya was Yeesu Gristo,

Mattayo 3:7

Hean nea ghwadaa Farisayajeega saang'a ea Sadukayajeega nea ghapka headaannyi goobattiisan, gwayeeshsha, “Ee dayeega udang'usheega! Gwareekuseeng'wa ng'eaha ea amng'awana nyarasta jea ghwahidu?

Gadiyeeda Giijasoodiga 2:24

Ak siisi iiduw gooduudu Aseetta, nea gageandeawa sawanadeeda miyeeda, aba gideaba niny moammu ghoang'ng'waay miyeeda.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,

Ebraniya 9:28

gwasnu eara Gristo, niny ghayi geattayda nibwagi ak gageanda ring'eega fuga saang'a, gayghwahidu deaba iyyeenya, ak ea mayghwahidu appadayda ring'eeda niny gayghwaan gwalealu fukka amuukku niny muuchchiin.

Ruumi 4:25

ak geenuus aba gidiinyeannyeakkaasa ak gooduudu ak geenyaschi doobiiwnatta.

Lukka 3:7

Gwarukusa fuga saang'a buwa heedaannyi eppattiisan, ak gwayeeshsha, “Ea dayeega udang'usheega! Gwareekuseegwa ng'eaha ea amng'awa ea mwanyaseagwa nyarasta jea ghwahidu?

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

Ruumi 8:34

gaygoorgweakseegwa ng'eaha? Gristo Yeesu gil, ghayi meah, huumwa, ak gwaduunna miyeeda, ak gwanda geattinda dugwa bea Aseetta, amaduw gamusiischoaweasa?

Giidaheechta 1:18

ghayi ghameayi, ak ging'ulayi geawoschi majeek; ghayi ghaameayi, asi ng'ulla geawoschi majeek damanda manda mudeanooda, ak geandeawi gissiittinna gidaghuutta Miyeeda ea Gheeda maloonghajeega.

Gadiyeeda Giijasoodiga 1:11

ak gwayi, “Fuga Galilaaya ghwasaan anda ghoamiinaadi nea gong'ulayi humng'eeda? Yeesuheeni beawa heedeang'wa ak gawa humng'eedean, gaygabiikteaydunu gawuurji gidaghamneawa oadaakti nea gawa humng'eedean.”

2 Betro 3:14

Asi, oorjooga abwariinyi, iinukkwa ghoammuughu ng'asheesu, ommajeega ghwahidu niny nea manda badahuukkeagwa gidamuy ghana eerukuna badahuukkeagwa gidamuy, geaghus weayda.

1 Desaloniikke 2:16

nea ghoadealeasa aseasa ea meerukusiini fuga Emoojiga gideaba gajeelealu ak gawuurji gili sinnyiit gideenda ring'eega nyaawa. Iiduw ea nihidu nyarasta Aseetta badahuukka nyaawa aba huydeanda.

1 Goriinto 1:7

ak abeeda ea mwashoadeewaneegwa haleanjeeda sugu bea guroorooda, nea ghoammuughu giidaheachta Ng'uttamiideanya was Yeesu Gristo;

2 Betro 3:12

ng'atta ghoammuughu nea ghoanung' ghwalamwajaan hinnooda askwearjeanda Aseetta, aba gideaba humng'eeda gajeayyeat ak geenyarja, ak haleanjeeda gayghwanyar aba beasta!

Ebraniya 10:27

nea gwanda furdeayda girgweaksiinda jea ghoabeal buuneeda, ea beasta ng'waan jea ghwaak fuga was weajoodiga.

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

Filippi 3:20

Aba gideaba aseasa ng'eang'deanya gwanda humng'eeda, ak ghamneawa geammuughu lealnoochcheanda, nea Ng'uttamiida was Yeesu Gristoohi,

Galattiya 3:13

Gristo goottinnaneasa jeeda mooshteayda deaweeda, aba gideaba niny sumwaashta aba badahuukkaasa aba gideaba gwayi Ng'ooruutka, “Sumwaashta gilinyoo ea sii gil siratta aba uhuuda geetta,”

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Gadiyeeda Giijasoodiga 17:31

aba gideaba nisin eaweeda jea goorgweaksiina fuga muunda ng'eanyiida nea ghoadoabiiw, aba siitta ghayi loat ninyiin, ak ea niidaw buuneessean ng'asheesu nea goomajeek aba gidaduutteayda aba jeeda miyeeda.”

Gadiyeeda Giijasoodiga 4:10

gagasa anala oogasean, sea fuga sean bea Israeeli, aba gheawunga Yeesu Gristoyda Nasareetti, ghayi ongoorji, ak gooduunna Aseetta miyeeda, appadaydeaba niny siisi ghamiinaada aba madeedeang'wa nea majeek.

Gadiyeeda Giijasoodiga 3:21

was dea gasa goobiida humng'eeda ea ghwahitta damanda jea eang'ng'eada ng'asheega sean ghayi rugu Aseetta aba ghuusiga sibangaaschi ghaydidi ghang'eada dea waas.

Gadiyeeda Giijasoodiga 3:15

ak goonuuschi Siitta goona eaweegean, ak gooduudu Aseetta aba jeeda miyeeda. Ak aseasa geawaschi muushoodigeaba ng'asheanji.

Mattayo 1:21

Gaygwaji balleanda ak gayguureewana ghawungaaschi Yeesu, aba gideaba niny gaygwalealu buuneadaannyi aba jeeda riing'eega nyaawa.”

Giidaheechta 1:7

Ng'ulla, ghwaan nea godeana shamooghuutka, ak gayghwadaa niny giliwas gheang'da, ea giliwas sii ghayi ng'ut niny; ea emoojiga sean bea ng'eanyiida gaygaguuttu heareagaaschi. Asaha. Amin.

1 Betro 2:21

Nea aba nii easuguurnaneegwa, aba gideaba eara Gristo gwasawana appadahuukkeang'wa, ak gagooneegwa gichchea agalana, gideaba gajayaada geeshtaannyi.

2 Dimoteo 4:1

Gearukuneey ng'asheesu aba madeeda Aseetta ea madeeda Gristo Yeesu ditta jea goorgweaksa fuga majeekjeew ea gea nimeewean aba gidaheachtaanyi ea aba gheambalmeadaannyi,

1 Desaloniikke 2:7

Iissa gewoschi ng'eeni aba jeedeang'wa, gawuurji gidang'ulliida gheamatta diibigaaschi.

1 Desaloniikke 1:7

hean ghoahuuyi gichchea eegala aba heeda buuneessean mideawa masaweega aba ng'eanyiida Makkedooniya, ea ng'eanyiida Akkaya.

Golosaayi 1:18

Nea niny ea uhuuda saseeda gil, nea dea Ganiisa, nea niny ea ging'eetta, ak ea duweachcheeda leabu miyeeda, ak abeeda ghoaw siichchea goosheedeawa haleanjeessean.

Ruumi 1:4

Balleanda Aseetta sihhiimu gideaba gwandeawa uurda aba Gurorooda ea ghaydidanda aba duunnoodaannyi aba jeeda miyeeda, Yeesu Gristoyda was Ng'uttamiideanya,

Lukka 2:25

Nea abeeda gwanda Yerusaleemu, siisi suguura gheawungaaschi Simon, nea siisi abeeda ea doabiiwaat, nea gabada Aseetta, nea goomuukku hawdeayda fuga Israeeli, nea gwanda badaydaannyi Gurorooda Ghaydit.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Mattayo 16:28

Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Gadiyeeda Giijasoodiga 2:32

Yeesuheeni gooduudu Aseetta, ak aba ng'asheanji geewoschi muushoodiga.