Tito 3:5 - DIOSPA QHELQACHISQ

⁵ Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

DIOSPA QHELQACHISQAN DEUTEROCANONICAL

⁵ Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

Quechua South Bolivia: Dios Parlapawanchej

⁵ Mana ima chekan ruwaskanchejraycuchu carka. Manachayrí paypa qhuyacuyninraycu cacharichiwarkanchej mosoj causaypaj juchamanta llimphuchaynejta. Ajinapi Santo Espiritunejta mosojyachiwarkanchej.

Tito 3:5 Referans Kwoze

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Hebreos 4:16

Chayrayku noqanchej mana manchachikuspa, may jina munakuyniyoj Diospa ñawpaqenman qayllaykunachej. Payman qayllaykuspataj, khuyakuyninta, chantá qhasilla k'acha yanapaynintawan tarisunchej, necesitasqanchej p'unchaypi yanapanawanchejpaj.

Colosenses 3:10

Jinaspataj, mosoj runa jina kanata p'achata jina churakunkichej. Chay mosoj runaqa Ruwajninpa rijch'ayninman jina astawan astawan mosojyachisqapuni kashan, ajinamanta Diosta astawan rejsinaykichejpaj.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Gálatas 2:16

Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Romanos 3:20

Chayrayku kamachisqaj nisqanta kasojkunamanta mana pipis Diospa ñawpaqenpi cheqan runapaj qhawasqachu kanqa. Manachayqa kamachisqakuna juchayoj kasqanchejmanta yachayta qowanchej.

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.

Efesios 4:23

Qankunarí Santo Espíritu yuyayniykichejta mosojyachinanta saqeychej.

Romanos 3:28

Ajinapi yachanchej Diospi atinikusqanraykulla pipis cheqan runapaj qhawasqa kasqanta, manataj Moisespa kamachisqanta junt'asqanraykuchu.

Romanos 9:11

Chay wawakuna manaraj paqarishajtinku, manarajtaj allin kajtapis, chayrí mana allin kajtapis ruwashajtinku, Diosqa Rebecata nisqa: Kuraj kajqa sullk'a kajpa kamachisqanta ruwanqa, nispa. Ajina karqa Diospa wakichisqan junt'akunanpaj. Chaytaj mana runaj ruwasqanraykuchu karqa, aswanpis pichus wajyajpa munasqanrayku.

San Lucas 1:78

Diosninchejqa jatun khuyakuyninrayku patamantapacha qhespichejta kachamuwanchej sut'iyaypi inti llojsimoj jina k'anchanawanchejpaj.

San Lucas 1:54

Diosqa khuyakuyninmanta yuyarikuspa, kamachin Israelta yanaparqa,

San Lucas 1:50

Diospa khuyakuynin kallanpuni miraymanta mirayman, pikunachus may respetowan payta qhawajkunapaj.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Salmos 143:2

Kay kamachiykita ama juzganawaykipaj wajyawaychu, imaraykuchus ñawpaqeykipeqa mana pipis mana juchayojqa kanmanchu.

Salmos 130:7

Israel, Tata Diosllapi atinikuy, imaraykuchus payqa khuyakojmin, cheqatapunitaj kacharichiwanchej.

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

Romanos 9:30

Jinaqa, ima nisuntajri? Mana judío kajkuna Diospa kamachisqanta mana ruwarqankuchu chaypis, cheqan runapaj qhawasqa kayta tarerqanku. Chaytaj ajina karqa Jesucristopi atinikusqankurayku.

Romanos 9:16

Ajinaqa Dios runata ajllakun, mana chay runa ajllasqa kayta munasqanraykuchu, nitaj imata ruwasqanraykuchu, manachayqa Dios paymanta khuyarikusqanraykulla.

Romanos 4:5

Chaywanpis Diosqa juchasapata cheqan runapaj qhawan, cheqan runapaj qhawasqa kananpaj jina mana imatapis ruwasqanraykuchu. Manachayqa Dios pitapis cheqanpaj qhawan paypi atinikusqanraykulla, pichus juchasapaj juchanta pampachan, chaypi.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

Job 15:14

Imataj runa kasqa llimphu kasqanta yuyananpajri? Warmimanta paqarej runaqa cheqan kanmanchu?

Job 9:20

Sichus noqa niyman mana juchayoj kasqayta chayqa, simillaytaj juchachaykuwanman. Sichus cheqan kasqayta niyman chaypis, chay nisqallaytaj juchayoj kasqayta rikhurichiwanman.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Romanos 11:14

Ichachus ajinamanta noqa yawar masiykunata qankunawan celosachiyman, paykunamanta wakillantapis qhespichisqa kanankupaj yanapanaypaj.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.