Tito 2:8 - DIOSPA QHELQACHISQ

⁸ Parlaspaqa, cheqan kajtapuni parlay, mana pipis imatapis parlananpaj jina. Ajinata ruwajtiykeqa, contraykipi sayaykojkuna p'enqakonqanku, imaraykuchus noqanchejmanta mana ima mana allintapis niyta atenqankuchu.

Qheshwa Biblia DC

⁸ Cheqanta parlaspa mana pipis k'amiyta atinampaj jina; ajinapeqa contrallejpis p'enqakonqa, manataj qankunapaj sajrata rimanqañachu.

DIOSPA QHELQACHISQAN DEUTEROCANONICAL

⁸ Parlaspaqa, cheqan kajtapuni parlay, mana pipis imatapis parlananpaj jina. Ajinata ruwajtiykeqa, contraykipi sayaykojkuna p'enqakonqanku, imaraykuchus noqanchejmanta mana ima mana allintapis niyta atenqankuchu.

Quechua South Bolivia: Dios Parlapawanchej

⁸ Parlaskayqui sano mana juchachana cachun. Ajinapi pillapis contrallicojka p'enkaconka nitaj nokanchejmanta ni ima manacajtapis niyta atenkachu.

Tito 2:8 Referans Kwoze

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

1 Pedro 2:15

Diosqa qankuna allin kajta ruwanaykichejta munan, ajinamanta mana yuyayniyoj nitaj mana imata yachaj runakunaj thawtisqankuta ch'inyachinaykichejpaj.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

1 Timoteo 6:3

Sichus pillapis waj jinata yachachin, mana Tukuyta Kamachej Jesucristoj cheqa nisqanman jina nitaj cheqan kajman jina chayqa,

2 Tesalonicenses 3:14

Jinallataj reparaychej Diosta qhatejkunamanta pichus kay cartapi nisqaykuta mana kasojta. Chantá paymanta karunchakuspa, ama paywan kawsakuychejchu, ajinamanta p'enqakunanpaj.

Nehemías 5:9

Chantá noqa nillarqanitaj: Imatachus ruwashankichej, chayqa mana walejchu kashan. Qankunaqa Diosninchejta may jatun respetowan qhawanaykichej karqa, ajinamanta awqanchej mana asipayanawanchejpaj.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

1 Timoteo 5:14

Chayrayku sipasllaraj warmisapakunata yuyaychani watej casarakunankuta, wawakunayoj kanankuta, wasinkutapis allinta qhawanankuta ima. Ajinata ruwajtinku, contranchejpi kajkuna mana millayta parlanqankuchu.

San Lucas 13:17

Chayta Jesús nisqanrayku, payta tukuy chejnejkuna p'enqaypi rikhurerqanku. Chaywanpis, runakunaqa kusikorqanku may t'ukuna imakunata Jesús ruwasqanrayku.

Marcos 12:34

Chantá chay yachachej allinta kutichisqanmanta, Jesús payta nerqa: Diospa kamachiyninman yaykunaykipajqa tumpallaña kashan, nispa. Manañataj pipis astawan tapoj churakorqachu.

Marcos 12:32

Chayta uyarispa, Diospa kamachisqanmanta chay yachachej nerqa: Yachachej Wiraqochi, allinta ninki uj k'ata Dioslla kasqanta, paymanta jawataj waj dios mana kanchu.

Marcos 12:28

Chaypacha Diospa kamachisqanmanta ujnin yachachej uyarerqa imaynatachus Jesús saduceokunaman allinta kutichisqanta. Chayrayku, Jesusman qayllaykuspa, taporqa: Diospa tukuy kamachisqakunamanta, mayqentaj aswan kurajri? nispa.

Marcos 12:17

Jesustaj kuticherqa: Jina kajtenqa, Cesarpata kajtaqa Cesarman qopuychej. Diospata kajtatajrí Diosman qopuychej, nispa. Paykunataj chayta uyarispa mayta t'ukorqanku.

Tito 3:14

Diosta qhatej masinchejkuna allin kajta ruwayta yachachunku, imamantapis pisichikojkunata yanapaspa. Ajinata ruwaspa, mana jinalla kakojkunachu kanqanku.