Tito 1:9 - DIOSPA QHELQACHISQ

⁹ Jinallataj iglesiata pusarejqa cheqa kajta yachaqakusqanmanta ch'ipakunan tiyan, jinallataj cheqa kajta wajkunaman yachachinan tiyan. Ajinata ruwaspa, wawqe panakunata kallpachayta atenqa, jinallataj churanakojkunatapis pantashasqankuta reparachenqa.

Qheshwa Biblia DC

⁹ Cheqa kaj palabrata yachakusqanman jina, paypis wajkunata sonqochanampaj allin yachachiywan, churanakojkunatapis atipanampaj.

DIOSPA QHELQACHISQAN DEUTEROCANONICAL

⁹ Jinallataj iglesiata pusarejqa cheqa kajta yachaqakusqanmanta ch'ipakunan tiyan, jinallataj cheqa kajta wajkunaman yachachinan tiyan. Ajinata ruwaspa, wawqe panakunata kallpachayta atenqa, jinallataj churanakojkunatapis pantashasqankuta reparachenqa.

Quechua South Bolivia: Dios Parlapawanchej

⁹ Cheka willanasta sinch'ita jap'icoj canan tiyan. Ajinapi yachachiska caskanmanta allin yachachinaswan hermanosta callpachayta atenka. Churanacojcunamanpis pantaskancuta reparachiyta atenka.

Tito 1:9 Referans Kwoze

2 Tesalonicenses 2:15

Chayrayku, wawqe panakuna, sinch'ita sayaychej, jinataj noqayku kikin, chantá cartanejta imatachus yachachisqaykumanta sinch'ita ch'ipakuychej.

2 Timoteo 1:13

Qanrí, noqamanta cheqan yachachiyta uyarisqaykiman jina puriy. Chaytataj ruway Diospi atinikuspa, chantá wajkunata munakuspa ima, Jesucristoman ujchasqa kasqanchejman jina.

1 Timoteo 6:3

Sichus pillapis waj jinata yachachin, mana Tukuyta Kamachej Jesucristoj cheqa nisqanman jina nitaj cheqan kajman jina chayqa,

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Tito 2:1

Qanrí Tito, yachachishaspaqa, cheqan kajman jinapuni yachachinayki tiyan.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

2 Timoteo 4:3

Chayta niyki, imaraykuchus aswan qhepanejman runakuna cheqan kaj yachachiyta mana uyariyta munanqankuchu. Manachayqa paykuna munasqankuman jina ashkha yachachejkunata mask'anqanku, imatachus uyariyta munasqankuta yachachinankupaj.

1 Tesalonicenses 5:21

Manachayqa tukuy ima nisqankuta allinta reparaychej, yachanaykichejpaj allinchus manachus kasqanta. Chantá allin kajta jap'ikuychej.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

Job 2:3

Chantá Tata Dios taporqa: Manachu kamachiy Jobta rikunki? Pay jinaqa jallp'a patapi mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu. Qantajrí mana imallamanta payta ñak'arichinayta niwarqanki. Chaywanpis payqa kasuwaspallapuni purin, nispa.

Apocalipsis 3:11

Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.

Apocalipsis 2:25

Aswanpis noqapi atinikuspallapuni kaychej, noqa kutimunaykama.

Judas 1:3

Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

2 Timoteo 2:2

Chantá ashkha rikojkunaj uyarinankuta imatachus yachachishajta uyariwarqanki, chayta atinikunapaj jina kajkunaman yachachiy, paykunapis wajkunaman yachachiyta atinankupaj.

1 Timoteo 4:9

Chay nisqaqa cheqamin, tukuyninchejtaj chayta jap'ikunanchej tiyan.

1 Timoteo 1:19

Cristopi atinikusqaykimanta sinch'ita ch'ipakuy, sonqoykitapis llimphuta waqaychay. Wakinkunaqa sonqonkoj nisqanta mana kasusqankurayku, Diosllapi jap'ikunamanta karunchakuspa, chinkarqanku.

Hechos 18:28

Tukuypa uyarinanta Apolosqa judiokuna pantasqa kasqankuta sut'ita reparacherqa. Jinataj Diospa Qhelqachisqannejta sut'ita rikucherqa Jesusqa Cristopuni kasqanta.

Job 27:6

Noqaqa cheqanta ruwaj kasqayta nillasajpuni, imajtinchus kawsanaykamaqa sonqoy mana juchachawanqachu.

1 Corintios 14:24

Chayrí tantasqa kashaspa, sichus tukuyniykichej Diosmanta sut'inchashawajchej. Jinapi sichus Diosman mana kutirikoj runa, chayrí Diosmanta pisita yachaj chayman yaykumunman chayqa, imatachus parlasqaykichejta uyarispa, juchasapa kasqanta reparakonqa, chantá sonqonta qhawarikonqa ima.

2 Timoteo 3:14

Qanrí imatachus yachaqakusqaykipi sinch'ita sayay. Qan yachanki chayqa cheqapuni kasqanta. Yachallankitaj, pikunachus chayta yachachisorqanku, chaykunapi atinikuyta atisqaykita.