Tito 1:11 - DIOSPA QHELQACHISQ

¹¹ Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Qheshwa Biblia DC

¹¹ Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

DIOSPA QHELQACHISQAN DEUTEROCANONICAL

¹¹ Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Quechua South Bolivia: Dios Parlapawanchej

¹¹ Paycunaka ch'inyachiska canancu tiyan. Wasisnintintaña cheka ñanmanta pantachishancu. Mana yachachinancuta yachachishancu kolketa munapayayrayculla.

Tito 1:11 Referans Kwoze

2 Timoteo 3:6

Paykuna wasimanta wasi purispa, pisi sonqo warmikunaj umankuta muyuchinku. Chay warmikunaqa tukuy imaymana millay kajta munapayaywan apaykachasqa kaspa, jucha q'epirisqa kawsanku.

1 Timoteo 6:5

Ajina kajkunaqa ch'ajwata sayarichinkupuni. Paykunaj yuyayninku manaña allinñachu kasqanrayku cheqa kajta wasanchanku. Jinallataj yuyanku Diosta kasuspa purinaqa qolqeta jap'inallapaj kasqanta.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

Tito 3:10

Iglesiapi t'aqanakuta sayarichejtaqa iskay kutikamapis k'amiy. Mana kasukojtintaj, iglesiamanta payta wijch'uy.

Salmos 63:11

11 (12) Kuraj kamachejrí Diospa ruwasqanmanta kusikonqa. Pikunachus Diospa sutinpi tilojkunaqa takispa Diosta jatunchanqanku. Llullakojkunaj siminkutajrí wisq'asqa kanqa.

Tito 1:9

Jinallataj iglesiata pusarejqa cheqa kajta yachaqakusqanmanta ch'ipakunan tiyan, jinallataj cheqa kajta wajkunaman yachachinan tiyan. Ajinata ruwaspa, wawqe panakunata kallpachayta atenqa, jinallataj churanakojkunatapis pantashasqankuta reparachenqa.

Tito 1:7

Jinallataj iglesiata pusarejqa Diospa churasqan qhawaj kasqanrayku mana k'amina kanan tiyan, mana runaykachaj, mana usqhayllata phiñakoj, mana machakoj. Chantá mana atiyniyoj kasqanmanta jap'ikuspa maqanakuta mask'ajchu kanan tiyan, nitaj qolqemanta wañusqachu.

Miqueas 3:5

Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

Salmos 107:42

Chayta rikuspataj, cheqan runakuna kusikunku, millayta ruwajkunarí siminkuta wisq'anku.

2 Corintios 11:10

Noqa allinta yachani Cristomanta cheqa kaj willayta jap'ikusqayta. Jinallataj yachani tukuy Ajaya suyupi Jesusmanta sumaj willayta qhasilla willasqaymanta mana pipis kay kusikuyniyta qhechunawanta.

San Lucas 20:40

Chaymantataj Jesusta manaña imamantapis taporqankuchu.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

San Juan 10:12

Chaywanpis qolqeraykulla michejqa phiña animal jamushasqanta rikuspa, ovejakunata saqerparispa ayqerikapun, ovejakuna mana paypatachu kasqanrayku. Phiña animaltaj ovejakunata jap'iraspa, ch'eqerachin.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

1 Timoteo 5:4

Chaywanpis, sichus mayqen warmisapa wawakunayoj, chayrí, allchhikunayoj kanman chayqa, paykuna chay warmisapata yanapaspa, imachus ruwanankuta junt'achunku. Ajinata ruwaspa, tata mamanku paykunata uywasqankumanta allin kajwan kutichiponqanku, imaraykuchus chayqa sumajmin, Diosta kusichintaj.

1 Timoteo 5:13

Chay jawa wasimanta wasi purispa, qhella kayman yachaykukunku. Chantá mana qhellallachu kanku, astawanqa cuentota apanku. Jinallataj wajkunaj kawsayninkuman sat'ikuspa, imamantachus mana parlanankuta parlanku.

2 Timoteo 2:18

Paykuna cheqa kajmanta pantaykuspa, yachachinku wañusqamanta kawsarimpoyqa kasqantaña. Ajinata nispataj, wakinkunata Diospi atinikuymanta pantachinku.