TAKIYKUNA 5:2 - DIOSPA QHELQACHISQ

² Noqaqa puñusharqani. Chaywanpis sonqoyqa mana puñusharqachu. Noqaqa munasqay punkumanta wajyamuwajta uyarerqani: Kicharirimuway, chunkitúy, munasqetáy, urpilitáy. Umayqa chhullawan joq'opachaña. Ch'isin chhullamusqanwan chujchaymanta yaku sut'urashan, nispa.

Qheshwa Biblia DC

² Noqaqa puñorqani; chaywampis, sonqoyqa mana puñusharqachu. Noqaqa uyarerqani munasqay punkumanta wajyamuwajta: Kicharimuway, chunkitúy, hermanitáy, palomitáy. Umayqa chhullawan joq'opachaña. Ch'isin chay jinatapuni sayk'umojtin chujchasniymanta yaku sut'uramushan.

DIOSPA QHELQACHISQAN DEUTEROCANONICAL

² Noqaqa puñusharqani. Chaywanpis sonqoyqa mana puñusharqachu. Noqaqa munasqay punkumanta wajyamuwajta uyarerqani: Kicharirimuway, chunkitúy, munasqetáy, urpilitáy. Umayqa chhullawan joq'opachaña. Ch'isin chhullamusqanwan chujchaymanta yaku sut'urashan, nispa.

TAKIYKUNA 5:2 Referans Kwoze

Apocalipsis 3:20

Noqaqa punkuykipi kashani, takashanitaj. Sichus wajyasqayta uyarispa punkuta kicharimuwanki chayqa, noqa wasiykiman yaykusaj, qanwan khuskataj mikhusaj.

TAKIYKUNA 2:14

Urpilitáy, qaqa jusk'upi manchachikuna chhankapi pakakusqaykimanta uyaykita rikurichikuway ari. Parlarisqaykita uyarichiway á. Parlasqaykeqa sonqoyta t'ikarichiwan, uyaykitaj may k'achitumin.

Zacarías 4:1

Chantá noqawan parlasharqa, chay ángel kutirimuspa, rijch'arichiwarqa, imaynatachus puñukushaj runata rijch'arichinchej, ajinata. Chantá tapuwarqa:

TAKIYKUNA 6:9

Noqaj urpilitayrí uj k'atalla, pay jinaqa ni ujpis kanchu. Pay k'atalla mamanpa ususin, mamanpa aswan munasqa kaj. Tukuy sipaskuna payta rikuytawan, ninku: Kusikuyniyojmin payqa, nispa. Paytaqa qoyakunawan, kuraj kamachejpa waj warminkunawan ima maytapuni jatunchanku.

Salmos 119:1

Cheqanta ruwaspa purejkunaqa may jina kusisqa kanqanku, pikunachus Tata Diospa kamachisqanta kasojkuna.

San Mateo 8:17

Chay ajina karqa Diosmanta ñawpa sut'inchaj Isaiaspa willasqan junt'akunanpaj: Paymin onqoyninchejmanta qhaliyachiwarqanchej, nanayninchejtapis thañichiwarqanchej, nispa.

Isaías 52:14

Chaywanpis paymanta ashkha runakuna t'ukorqanku, imaraykuchus ukhonqa manaña kasqan jinachu karqa, uyanpis manaña runaj uyanmanchu rijch'akorqa.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

TAKIYKUNA 8:7

Ashkha yakupis munakuytaqa mana thasnunmanchu, nillataj mayupi yakupis chinkachinmanchu. Sichus uj runa tukuy kapuyninwan munakuyta rantiyta munanman chayqa, chay runata asipayankuman.

TAKIYKUNA 7:9

9 (10) Simisituykeqa sumaj vino jina. Chay vinoqa simiykinejta, kiruykinejtapis llamp'ulla yaykurin.

TAKIYKUNA 5:11

Rijch'aynenqa qori jina. Chujchanpis chhurku, suwintoj phurun jina yana.

TAKIYKUNA 4:9

Sonqoyta suwawanki, chunkitúy, munasqetáy. Ujta qhawarispalla, sonqoyta suwawanki. Sonqoyqa qanpata, kunkaykipi walqawan wataykuwasqaykiwan.

TAKIYKUNA 4:7

Qanqa k'achitapuni kanki, munasqetáy, chakiykimanta umaykikama k'achita kanki. Qanpeqa manapuni ima mana allinpis kanchu.

TAKIYKUNA 3:1

Tutan puñunaypi sonqoypa munasqanta mask'arqani, nitaj tarikaporqanichu.

TAKIYKUNA 2:10

Munasqayqa kay jinata niwarqa: Sayariy, munasqetáy, chunkitúy, k'acha warmisita, jakullaña.

TAKIYKUNA 2:8

Munasqayqa jamushanña, parlasqanta uyarishaniña. Payqa orqo patata, loma patatataj phinkirispa, jamushan.

Proverbios 23:26

Wawáy, tukuy sonqoykiwan uyariway. Imaynatachus kawsasqayta qhawaspa qhatiy.

Salmos 81:10

10 (11) Noqa Tata Diosmin Diosniyki kani, pichus Egiptomanta orqhomorqayki, chay. Simiykita kichariy, noqataj sajsakunaykikama mikhuchisqayki.

Génesis 29:20

Ajinata Jacobqa Raquelrayku qanchis watata Labanpaj llank'arqa. Chaywanpis Raquelta maytapuni munakusqanrayku, Jacob qanchis wata mana unaychu kasqanta qhawarqa.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Apocalipsis 3:4

Chaywanpis Sardis iglesiapi pisilla juchallispa mana ch'ichichakojkuna kanku. Paykuna yuraj p'achawan p'achallisqa noqawan purenqanku, chaypaj jina kasqankurayku.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

San Juan 10:4

Chaymantataj michejqa tukuy ovejankunata orqhospa, paykunaj ñawpaqenta rin, ovejankunataj kunkanta rejsispa, qhepanta rinku.

San Lucas 22:44

Anchatañapuni ñak'arishaspataj Jesús aswan sinch'ita Dioswan parlarqa, jump'iynintaj jatuchaj yawar sut'uy jina pampaman sut'orqa.

San Lucas 9:32

Chaykama Pedro, paywan kajkuna ima puñuywan atichikusharqanku. Chaywanpis mana puñorqankuchu. Chayrayku Jesuspa jatun kayninpa lliphipiyninta rikorqanku, chay iskay runakunatawan.

San Lucas 6:12

Chantá Jesús uj orqoman rerqa Dioswan parlarikoj, chaypitaj sut'iyanankama Dioswan parlarikorqa.

Marcos 1:35

Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.

Daniel (hebreo) 8:18

Pay parlashawajtillanraj, yuyayniy chinkawarqa, pampapitaj wijch'usqa rikhurerqani. Chantá pay jamuspa, sayarichiwarqa.

San Mateo 7:8

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharin.

TAKIYKUNA 1:16

Alajitu kanki, munasqáy, ima munana kanki. Puñunanchejqa q'omer qhora.

TAKIYKUNA 5:6

Parlasqanta uyarejtiy, wañuy wañuy jap'iwarqa. Punkuta kicharerqani. Chaywanpis munasqayqa ripusqaña, mask'arqani nitaj tarikaporqanichu. Manaña chaypichu kashasqa. Wajyajtiypis, mana uyariwarqachu.