TAKIYKUNA 5:1 - DIOSPA QHELQACHISQ

¹ Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Qheshwa Biblia DC

¹ Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

DIOSPA QHELQACHISQAN DEUTEROCANONICAL

¹ Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

TAKIYKUNA 5:1 Referans Kwoze

TAKIYKUNA 6:2

Munasqayqa huertanman rin, ima munayta q'aparishaj huertanman, huertanpi michimunanpaj, lirio t'ikatawan pallamunanpaj.

TAKIYKUNA 4:16

Wichaynejmanta wayra, sayarikuy. Uranejmanta wayra, jamuy kayman. Huertaypi wayraripuway, tukuy t'ikakunaj q'apayninta junt'aykuchipuway. Huertaykiman jamuy ari, munasqáy. Sumaj misk'i poqoykunata mikhurispa, misk'irichikuy.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

Proverbios 9:5

Jamuspa, mikhunaymanta mikhuychej, wakichisqay vinotapis ujyallaychejtaj.

Hechos 11:29

Chantá Antioquiapi kaj wawqe panakuna nerqanku sapa uj kapusqanman jina qolqeta tantaspa, apachinankuta Judeapi kaj wawqe panakunaman.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

San Lucas 12:4

Munasqa kawsaqeykuna, qankunaman niykichej: Ama manchachikuychejchu qankunata wañuchejkunata, imaraykuchus chaymanta astawanqa manaña imatapis ruwayta atisunkichejchu.

Isaías 66:14

Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Isaías 65:13

Chayrayku Tukuyta Kamachej Tata Dios nisunkichej: Kamachiykunaqa sumajta mikhonqanku, qankunatajrí yarqhaymanta wañunkichej. Kamachiykunaqa sumaj yakuta ujyanqanku, qankunatajrí yaku ch'akiywan ñak'arinkichej. Kamachiykunaqa kusikonqanku, qankunatajrí may p'enqachisqa kankichej.

Isaías 61:11

Imaynatachus sach'apis jallp'api wiñan, jinallataj huertapi imapis p'utumun, ajinallatataj Tukuyta Kamachej Tata Diosqa cheqan kawsayta, chantá payta jatunchayta ima p'utuchimonqa tukuy suyukunaj ñawpaqenkupi.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

TAKIYKUNA 8:13

Urpilitáy, huerta chawpipi tiyakoj, kawsaqeykuna parlasqaykita uyariyta munanku. Noqamanpis parlarisqaykita uyarichiway ari.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Isaías 23:18

Qhatusqanwan ganasqanrí Tata Diospaj t'aqasqa kanqa. Chayqa mana waqaychasqachu nitaj jallch'asqachu kanqa, manachayqa Tata Diospaj ruwanayoj kajkunapaj kanqa, sacerdotekuna sajsakunankukama mikhunankupaj, sumajtataj p'achallikunankupaj ima.

Isaías 5:1

Chantá Isaías nerqa: Kunanqa munasqaypa sutinpi uva huertamanta takiysituta takirisaj. Munasqaypata uva huertan uj kinraypi sumaj jallp'api tiyapusqa.

TAKIYKUNA 8:1

Sichus qan turay kawaj, mamaypa ñuñunwan uywasqa kawaj chayqa, mayllapipis qanta tariytawan, much'aykuykiman. Nitaj pipis qhawakuwanmanchu.

TAKIYKUNA 6:11

Nogal sach'ayojkuna huertaman urayk'orqani, imachus chay vallepi poqon, chayta qhawarej. Uva sach'a ijimushajta, granadakunatapis t'ikashajta, chayta qhawarej rerqani.

Salmos 16:3

Kay pachapi Diospaj t'aqasqa kajkuna, cheqanta purejkuna ima sonqoyta junt'asqata ruwawanku.

Salmos 147:11

Tata Diosqa payta jatunchajkunawan sonqo junt'asqa, pikunachus khuyakuyniyoj kasqanpi atinikojkunawanpis kusikullantaj.

Jueces 14:11

Filisteokunaqa Sansonta rikuytawan, kinsa chunka waynakunata paywan kanankupaj pusarqanku.

Jueces 14:20

Chaywanpis tatanpa wasinpi Sansón kashanankama chay sipaspa tatanqa Sansonpa warminta wajwan casaracherqa, pichus casarakupi Sansonpa kawsaqen kasqa, chaywan.

Proverbios 24:13

Wawáy, abeja misk'ita mikhurikuy, imayna misk'ichus kasqanta llamiriy.

Eclesiastés 2:5

Chajratawan, huertatawan ima tarpucherqani, chaykunamantaj imaymana poqoj sach'akunata churacherqani.

TAKIYKUNA 1:13

Munasqayqa noqapaj mirrayoj ch'uspa jina, ñuñuykunaj chawpinpi kashan.

TAKIYKUNA 4:8

Libanomantapacha jamuy ari, munasqetáy, arí, Libanomantapacha jamuy. Amana orqomanta urayk'amuy ari, jinallataj Senirmanta, Hermón orqomantawan. Maypichus leonkunaj jusk'unku tiyan, onzakuna tiyakunku, chaymanta urayk'amuy.

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.