TAKIYKUNA 3:6 - DIOSPA QHELQACHISQ

⁶ Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

Qheshwa Biblia DC

⁶ Imataj chayri? Ch'in pampamanta q'osñi jina rikhurimushan chay? Mirrawan, inciensowan, tukuy ima sumaj q'apaykunawan q'aparishajri?

DIOSPA QHELQACHISQAN DEUTEROCANONICAL

⁶ Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

TAKIYKUNA 3:6 Referans Kwoze

TAKIYKUNA 8:5

Pitaj jaqay warmi ch'innejmanta jamushanri, munasqanpa lijranman atiykukuspari? Manzana sach'a urapi rijch'aricherqayki, maypichus mamayki nanaywan jap'ichikorqa, maynejpichus qanta paqarichikusorqa, chaypi.

TAKIYKUNA 4:6

P'unchay chayamushajtin, laqhayay chinkapushajtin, noqaqa, mirra tiyan, chay orqoman wicharisaj. Jinallataj risaj maypichus incienso tiyan, chay lomamanpis.

TAKIYKUNA 1:13

Munasqayqa noqapaj mirrayoj ch'uspa jina, ñuñuykunaj chawpinpi kashan.

Apocalipsis 12:14

Chaywanpis Diosqa warmiman jatun ankaj lijranta qorqa, sierpemanta ayqespa ch'innejman phawananpaj. Chaypitaj pay kinsa wata khuskanniyojta qhawasqa karqa, sierpe ama imanananpaj.

Apocalipsis 12:6

Warmitajrí ch'innejman ayqerqa, maypichus Dios paypaj uj cheqata wakichisqa, chayman, chaypi 1.260 p'unchayta payta mikhuchinankupaj.

Jeremías 31:2

Tata Dios nillantaj: Pikunachus maqanakupi wañunamanta llusp'ejkunata ch'innejpi khuyakorqani, Israel ayllukuna samarikuyta mask'ashajtinku, nispa.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

TAKIYKUNA 5:13

Uyitanqa ima munay q'aparishaj t'ikayoj huerta jina. Simisitonqa lirio t'ikamanta mirra sut'umushanman jina.

TAKIYKUNA 5:5

Noqa sayarerqani, munasqay yaykumunanpaj punkuta kicharej. Makiymanta, ruk'anaymantawan mirra jawikusqay punku wisq'anaman surusharqa.

TAKIYKUNA 1:3

Sumajta q'apashaj jawinaykeqa k'achituta q'aparin. Sutiykeqa sumajta q'apashaj jawina jich'asqa jina. Chayrayku sipaskuna mayta munakusunku.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

Éxodo 30:34

Chantá Tata Dios Moisesta nillarqataj: Sumaj k'achituta q'apashaj imakunata tantay: Mirra sutiyoj sach'aj waqayninta, yakupi kawsaj ch'uroj waqayninta, gálbano sach'aj waqayninta, chantá sumajnin kaj inciensotawan ima. Sapa ujta chhikakama tantanki.

Apocalipsis 18:13

Jinallataj qhatunankupaj apaj kanku: Canelata, k'achituta q'apashaj jawinata, inciensota, mirrata, sumaj q'apashaj jawinata, vinota, aceiteta, suysusqa jak'uta, trigota, wakata, ovejata, caballota, carretakunata, wata runakunata, waj runakunata ima.

TAKIYKUNA 3:7

Qhawariychej, chayqa Salomonpa wantunan. Payqa sojta chunka sumaj wapu Israelpa soldadonkuna chawpillankuta jamushan.

Proverbios 7:17

Chay phullutataj mirramanta, aloemanta, canelamanta ruwasqa ima munay q'apaj jawinawan ch'ajchorqani.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.