TAKIYKUNA 2:3 - DIOSPA QHELQACHISQ

³ Munasqayqa waynakunaj chawpinkupi, manzana sach'a jina sach'akunaj chawpinkupi kashan. Chay sach'aj llanthunpi noqaqa ima munayta tiyarikuni. Poqoynintataj manchay misk'ita mikhurikuni.

Qheshwa Biblia DC

³ Manzanapis sach'aspa chaupimpi kashanman jina, noqaj munasqayqa wayna runaspa chaupimpi kashan. Chay sach'aj moq'ey llanthumpi noqaqa tiyarikuni, poqoynintaj noqapajqa sumaj misk'i.

DIOSPA QHELQACHISQAN DEUTEROCANONICAL

³ Munasqayqa waynakunaj chawpinkupi, manzana sach'a jina sach'akunaj chawpinkupi kashan. Chay sach'aj llanthunpi noqaqa ima munayta tiyarikuni. Poqoynintataj manchay misk'ita mikhurikuni.

TAKIYKUNA 2:3 Referans Kwoze

TAKIYKUNA 8:5

Pitaj jaqay warmi ch'innejmanta jamushanri, munasqanpa lijranman atiykukuspari? Manzana sach'a urapi rijch'aricherqayki, maypichus mamayki nanaywan jap'ichikorqa, maynejpichus qanta paqarichikusorqa, chaypi.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Hebreos 12:2

Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

Ezequiel 47:12

Mayu puraj kantunpi tukuy imaymana poqoj sach'a wiñanqanku. Chay sach'akunaj laqhenku mana urmanqankuchu, poqoyninkutaj mana jayk'ajpis tukukonqachu. Sapa killa poqonqanku, imaraykuchus Diosta yupaychana wasimanta llojsej yakuwan qarpasqa kanqanku. Poqoyninkoqa mikhunapaj allin kanqa, laqhenkunataj jampipaj sumaj kanqa, nispa.

Isaías 4:6

Chayqa toldo jina paykunata qhataykonqa ruphaypi llanthunanpaj, chantá paramanta, sinch'i wayramantawan waqaychananpaj ima.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

TAKIYKUNA 5:16

Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

TAKIYKUNA 4:16

Wichaynejmanta wayra, sayarikuy. Uranejmanta wayra, jamuy kayman. Huertaypi wayraripuway, tukuy t'ikakunaj q'apayninta junt'aykuchipuway. Huertaykiman jamuy ari, munasqáy. Sumaj misk'i poqoykunata mikhurispa, misk'irichikuy.

TAKIYKUNA 2:5

Uva k'isamanta t'antata, manzanatapis mikhuchiwaspa, kallpachawaychej, imaraykuchus munakunawanmanta wañushaniña.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Salmos 89:6

6 (7) Ni ima diospis, ni pipis janaj pachapi kajkunamanta, Tata Dios, qanwan kikinchakusunkimanchu.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Salmos 45:2

2 (3) Qanqa tukuymanta aswan alajitu kanki. Simiykimanta misk'i parlay t'ojyarimun. Chayrayku Diosninchej wiñaypaj saminchasunki.

Jueces 9:15

Khishkarara sach'ataj paykunata nisqa: Sichus cheqamanta kuraj kamachejniykichej kanayta munankichej chayqa, llanthuy uraman tukuyniykichej jamunaykichej tiyan. Manatajchus kuraj kamachejniykichej kanayta munankichej chayrí, noqamanta llojsispa, nina lawray tukuy Libanopi kaj pinokunata ruphaykonqa, nispa.

TAKIYKUNA 1:16

Alajitu kanki, munasqáy, ima munana kanki. Puñunanchejqa q'omer qhora.

TAKIYKUNA 4:13

Granada sach'ayoj huerta jina kanki, sumaj misk'i poqoyniyoj. Chaypeqa nardo t'ika tiyan,

TAKIYKUNA 7:13

13 (14) Mandragorapis k'achituta q'aparishanku. Wasinchej punkupeqa imaymana poqoykuna tiyan. Kunallanraj pallasqa kajta, jinallataj k'isasqaña kajta, munasqáy, qanpaj jallch'aporqayki.

TAKIYKUNA 8:11

Salomonpata uva huertan Baal Gamonpi karqa. Chaytataj qhawajkunaman saqerqa. Paykuna poqochisqankumanta waranqa qolqeta apamunanku karqa.

TAKIYKUNA 8:12

Salomón, waranqa qolqe qanpaj kachun, iskay pachajtaj uva huertata qhawajkunapaj. Uva huertaytatajrí noqalla qhawakusaj.

Joel 1:12

Uva sach'akuna qawirasqa kashanku, higo sach'akunataj manaña kanchu. Jinallataj tukuy granada sach'a, palma sach'a, manzana sach'a ima ch'akirapunku. Montepi tukuy sach'akunapis ch'akirapullankutaj. Chayrayku tukuy runaj kusikuyninkupis chinkapullantaj.

Salmos 45:3

3 (4) Wapu runa, espadaykita chumpiykiman churakuy. Qanqa may jina atiyniyojmin kanki.