TAKIYKUNA 1:4 - DIOSPA QHELQACHISQ

⁴ Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

Qheshwa Biblia DC

⁴ Pusarikuway ari; iskayninchej khuska risunchej. Reyníy, wasiykiman pusakapuwan ari. Qanwan may kusiywan kusikusunchej; chaypitaj yuyarisunchej munakuwasqaykimanta, vinomantapis aswan misk'i chayta. Chayrayku qanta sipaskunaqa mayta munakusunku.

DIOSPA QHELQACHISQAN DEUTEROCANONICAL

⁴ Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

TAKIYKUNA 1:4 Referans Kwoze

San Juan 6:44

Mana pipis noqaman jamuyta atinmanchu kachamuwaj Tatay mana pusamojtenqa. Noqataj chay jamojkunata kay pachaj tukukuynin p'unchaypi wañusqamanta kawsarichisaj.

Oseas 11:4

Misk'i simiwan sonqonta suwarqani, munakuywantaj waskhawan jina payta aysamorqani. Ñuñoj wawata jina uyayman astawan k'askaykuchikorqani, makiywantaj mikhucherqani.

San Juan 12:32

Chaywanpis maypachachus noqata cruzman chakatawanqanku chaypacha, tukuy runakuna noqapi atinikunankuta ruwasaj, nispa.

Jeremías 31:3

Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

San Lucas 22:19

Chaymanta, t'antatañataj oqharispa, Diosman pachis nerqa, paykunaman jaywaspataj, nerqa: Kayqa ukhuymin, mayqenchus qankunarayku qosqa kanqa. Kay jinata ruwaychej noqamanta yuyarikunaykichejpaj, nispa.

San Lucas 2:10

Chantá ángel paykunata nerqa: Ama mancharikuychejchu, imaraykuchus noqaqa sumaj willayta apamuykichej, chaytaj tukuy runapaj may kusiy kanqa.

San Mateo 25:10

Chaywanpis chay phishqa sipaskuna aceiteta rantej rinankukama, casarakoj chayamusqa, jinataj yuyayniyoj sipaskuna paywan khuska casamiento wasiman yaykusqanku. Chantá wasiyojqa punkuta wisq'aykusqa.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 45:25

Noqa Tata Diosrayku Israelpa miraynin cheqanpaj qhawasqa kanqanku, umankuta oqharispataj, kusikonqanku.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

TAKIYKUNA 3:4

Paykunamanta uj chhikanta karunchakuytawantaj, munasqaywan tinkukorqani. Makinmanta jap'iykuspataj, manaña kacharerqanichu. Chantá mamaypa wasinman pusaykorqani, maypichus paqarikorqani, chayman.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Efesios 2:6

Diosqa Cristo Jesuswan khuskata kawsarichiwarqanchej, chantá janaj pachapi paywan khuskata tiyaykuchiwarqanchej, imajtinchus Cristo Jesusman ujchasqa kanchej.

Sofonías 3:14

Sión llajtayojkuna, takirikuychej. Israel ayllumanta kajkuna, kusiymanta qhapariychej. Jerusalenpi tiyakojkuna, kusikuychej, tukuy sonqoykichejwantaj kusirikuychej.

Salmos 119:60

Mana tiempota pasachispa, usqhayllata kamachisqaykita junt'asaj.

Salmos 119:32

Usqhay usqhayta kamachisqaykita junt'asaj, imaraykuchus qanmin sonqoyta kusikuywan junt'achiwanki.

Salmos 111:4

Tata Diospa sumaj ruwasqanqa mana qonqanapaj jinachu. Tata Diosqa wawa sonqo, khuyakuyniyojtaj,

Salmos 63:5

5 (6) Almayqa may kusisqa, sajsasqataj kanqa, jatun mikhuypi misk'i mikhunawan sajsakoj runa jina. Chantá kusiy takiykunawan yupaychasqayki.

Salmos 48:9

9 (10) Diosniyku, mana tukukuyniyoj munakuyniykipi unanchaspa, noqayku Temploykipi qanta yupaychayku.

Salmos 42:4

4 (5) Kaymanta yuyarikuspa, llakikuywan waqarikuni. Yuyarikuni imaynatachus ashkha runawan rispa, paykunata Diospa Templonkama pusasqayta kusiymanta qhaparispa, yupaychaspa ima. Chaypachamá jatun raymipi kusikuy karqa.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

Filipenses 4:4

Qankuna Tukuyta Kamachej Jesusman ujchasqa kasqaykichejmanta kusikuychejpuni. Ujtawanpis nillaykichejtaj: Kusikuychej, nispa.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

TAKIYKUNA 4:10

Ima munayta munarikuwanki chunkitúy, munasqetáy. Munarikuwasqaykeqa vinomantapis astawan misk'i. Q'aparishaj jawinawan jawikusqaykeqa astawan sumaj tukuy q'apaj jawinamanta nisqaqa.