Sofonías 3:1 - DIOSPA QHELQACHISQ

¹ Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

Qheshwa Biblia DC

¹ Way qanmanta Jerusalén, mana kasukoj llajta, ch'ichichasqa, mana khuyakuyniyojtaj.

DIOSPA QHELQACHISQAN DEUTEROCANONICAL

¹ Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

Sofonías 3:1 Referans Kwoze

Jeremías 6:6

Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 30:12

Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Zacarías 7:10

Ama ñak'arichiychejchu warmisapakunata nitaj wajcha wawakunatapis, nitaj waj llajtayojkunata, nillataj pisi tiyapuyniyojtapis. Amallataj yuyallaychejpischu runa masiykichejpa contranpi mana allinta ruwayta, nispa.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Levítico 1:16

Ch'itinta, chantá phuruntawan orqhospa, altarmanta inti llojsimuynejpi, ushpha wijch'una cheqaman wijch'onqa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Ezequiel 23:30

Chayta qanwan ruwanqanku, chay suyukunawan khuchichakusqaykirayku, lantinkukunata yupaychaspa ch'ichichakusqaykiraykutaj.

Ezequiel 22:29

Kay suyupi tiyakojkunapis millayta ruwanaman, suwakuymantaj qokullankutaj. Wajcha runakunata, mana kapuyniyojkunatapis munasqankuta ruwanku. Waj llajtayojkunatapis ñak'arichispa, mana paykunapaj cheqan justiciata ruwankuchu.

Jeremías 5:23

Qankunaj sonqoykichejrí ancha rumiyasqa, mana kasukojtaj. Noqata saqerpayawaspa, riporqankichej.

Isaías 59:6

Mik'u mik'oj llikhanmanta awasqa p'achaqa churakunapaj mana walejchu, nitaj ruwasqankoqa ni imapajpis allinchu. Millay kajta ruwaspa purinku, kallpapi atinikuspataj, mana allin kajllata ruwanku.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.