Sofonías 2:2 - DIOSPA QHELQACHISQ

² manaraj uj p'unchayllapi wayrachisqa paja jina chinkachisqa kashajtiykichej, manaraj Tata Diospa sinch'i phiñakuynin pataykichejman urmashajtin. Wakichikuychej, manaraj Tata Diospa k'araj phiñakuyninpa p'unchaynin chayamushajtin.

DIOSPA QHELQACHISQAN DEUTEROCANONICAL

² manaraj uj p'unchayllapi wayrachisqa paja jina chinkachisqa kashajtiykichej, manaraj Tata Diospa sinch'i phiñakuynin pataykichejman urmashajtin. Wakichikuychej, manaraj Tata Diospa k'araj phiñakuyninpa p'unchaynin chayamushajtin.

Sofonías 2:2 Referans Kwoze

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Oseas 13:3

Chayrayku paykuna sut'iyaymanta chinkapoj phuyu jina kanqanku, chayrí imaynatachus tuta tutamanta chhulla chinkapun, ajina. Wayralla apakapoj paja jina kanqanku, imaynatachus q'oshñi chinkapun, ajinallatataj chinkaponqanku.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Salmos 1:4

Dioswan churanakojkunawanrí mana jinachu kanqa. Paykuna wayraj apasqan q'opa jina kanku.

Sofonías 3:8

Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Job 21:18

Mayk'ajtaj ichhu jina qhallirparisqa karqankuri, muyoj wayraj apasqan jinari?

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

Ezequiel 12:25

Manachayqa noqa Tata Diosmin parlasaj, nisqaytaj usqhayllata junt'akonqa. Mana kasukoj runakuna ñawiykichejwan chayta rikunkichej. Noqa parlasaj, chay nisqaytataj junt'asajpuni. Noqa Tukuyta Kamachej Tata Diosmin chayta nini.

Jeremías 23:20

Tata Diospa k'araj phiñakuynenqa mana thasnukonqachu, imachus ruwananta junt'anankama. Qhepanejman qankunaqa chaykunamanta sut'ita yachaqankichej.

Salmos 50:22

Qankuna, pikunachus noqata qonqapojkuna, kayta allinta yachaychej: Pajtataj noqa qankunata t'isarpariykichejman, manataj pipis kacharichiyta atisonqachejchu.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.