Rut 4:11 - DIOSPA QHELQACHISQ

¹¹ Chantá tukuy chaypi kajkuna, kurajkuna ima kuticherqanku: Arí, testigo kayku. Piwanchus casarakunki, chay warmita Tata Dios yanapachun Raquel jina, Lea jinataj may ashkha mirayniyoj kananpaj. Tukuyninchej paykunaj mirayninku kanchej. Tata Diosqa munachun qanpis sumaj rejsisqa runa kay Efrata cheqapi kanaykita, jinallataj Belén llajtapipis.

Qheshwa Biblia DC

¹¹ Tukuy chaypi kajkuna kurajkuna ima kuticherqanku: Arí, rikojkuna kayku, nispa. Señor munachun, wasiykiman yaykonqa chay warmeqa, Raquel chayri Lea jina kananta, pismantachus tukuy Israel ayllumanta kajkuna uraykamorqanchej! Qantaj uj sumaj rejsisqa runa jina kay Efrata llajtapi, jinataj allimpaj qhawasqa runa jina Belén llajtapipis.

DIOSPA QHELQACHISQAN DEUTEROCANONICAL

¹¹ Chantá tukuy chaypi kajkuna, kurajkuna ima kuticherqanku: Arí, testigo kayku. Piwanchus casarakunki, chay warmita Tata Dios yanapachun Raquel jina, Lea jinataj may ashkha mirayniyoj kananpaj. Tukuyninchej paykunaj mirayninku kanchej. Tata Diosqa munachun qanpis sumaj rejsisqa runa kay Efrata cheqapi kanaykita, jinallataj Belén llajtapipis.

Rut 4:11 Referans Kwoze

Génesis 29:32

Ajinaqa Lea Jacobpaj onqoj rikhurerqa, paqarichikuspataj, wawanta “Rubén” sutiwan suticharqa. Pay nerqa: Tata Dios llakisqa kasqayta rikuwan. Chayrayku qosay munakuwanqa paypaj wawata rejsisqayrayku, nispa.

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Salmos 132:6

Efrata cheqapi arcamanta parlajta uyarerqayku, Jaar cheqapitaj chay arcata tarerqayku:

Rut 1:2

Chay runaj sutenqa Elimelec karqa, warmintaj Noemí, chantá iskaynin churinkuna Majlón, Quelión ima, paykuna Judá Belenpi karqanku. Chantá Moabman chayaspataj chaypi tiyakorqanku.

Deuteronomio 25:9

chaypacha wañoj wawqenpa warmin chimpaytawan, tukuy kurajkuna qhawashajtinku, chay qharej ujnin juk'utanta lluch'onqa. Chantá uyanpi thoqaykuspa, nenqa: Ajinata wawqenpa mirayninta chinkachiyta munaj qhariwan ruwana, nispa.

Génesis 24:60

Kacharpayapushaspataj, Rebecaj ayllunmanta kajkuna ajinata nispa, samincharqanku: Panayku, ashkha wawaj mamanku kay. Mirayniykimanta kajkunataj awqankukunata atipachunku, nispa.

Proverbios 14:1

Yachayniyoj warmeqa ayllunta pataman oqharin. Mana yuyayniyoj warmirí makillanwantaj ayllunta ch'eqerachin.

Génesis 23:10

Efronqa Jet llajtayojkunawan khuska kasharqa. Paytaj llajta masinkuna chantá chay llajtamanta tukuy kurajkunaj uyarinankuta, Abrahamta nerqa:

Génesis 29:25

Chantá q'ayantin paqarin Jacobqa Leallawan puñusqanta yacharqa. Chayrayku Labanta nerqa: Imatataj kayta ruwawankiri? Manachu Raquelwan casaranayrayku qanchis watata llank'aporqayki? Imaraykutaj kay jinata q'otiyawankiri? nispa.

Proverbios 31:23

Qosanpis llajtanpi sumaj rejsisqa, chay llajtamanta kuraj runakunawan khuskataj tiyarikun.

Génesis 29:16

Labán iskay ususiyoj karqa. Kuraj kajpata Lea sutin karqa, sullk'ajtataj Raquel karqa.

Génesis 35:23

Leapi Jacobpa kuraj kaj churin Rubén karqa, sullk'ankunataj Simeón, Leví, Judá, Isacar, Zabulón ima karqanku.

Génesis 35:24

Raquelwan rejsisqan churinkunataj karqanku Josewan, Benjaminwan ima.

Deuteronomio 25:7

Sichus chay qhari wawqenpa warminwan casarakuyta mana munanman chayrí, chay warmeqa llajtamanta kurajkunaman rispa, kay jinata nenqa: Wañoj qosaypa wawqenqa mana noqawan casarakuyta munanchu, wawqenpa sutin Israel ukhumanta ama chinkananpaj, nispa.

1 Reyes 21:8

Chantá Jezabelqa Ajabpa sutinpi cartakunata qhelqarqa, Ajabpa anillonwan sellaykuspataj, apacherqa, Nabotpa llajtanpi tiyajkunaj tukuynin kurajkunaman, kamachejkunamanwan ima.

1 Crónicas 2:51

Chantá Belenpa tatan Salmá, Bet Gaderpa tatan Jaref ima.

Jeremías 32:10

Chay tratotataj papelpi qhelqaspa, chantá sellaspa ima wakicherqayku. Papeltaqa testigokunaj rikunankuta ruwarqayku, jinaspataj mañakusqan qolqe metalta balanzapi tuporqani.