Rut 2:4 - DIOSPA QHELQACHISQ

⁴ Rut chaypi chajmashajtintaj, Boozqa Belén llajtamanta chajraman chayaykamuspa, ruthojninkunata napaykorqa: Tata Dios qankunawan kachun, nispa. Paykunataj kuticherqanku: Tata Diosqa qantapis yanapasuchun, nispa.

Qheshwa Biblia DC

⁴ Jinallamanta Boozqa Belenmanta chayaykamusqa, napaykorqataj ruthojkunasninta: Señor qankunawan kachun!, nispa. Señor qanta bendicisuchun, nispataj kuticherqanku.

DIOSPA QHELQACHISQAN DEUTEROCANONICAL

⁴ Rut chaypi chajmashajtintaj, Boozqa Belén llajtamanta chajraman chayaykamuspa, ruthojninkunata napaykorqa: Tata Dios qankunawan kachun, nispa. Paykunataj kuticherqanku: Tata Diosqa qantapis yanapasuchun, nispa.

Rut 2:4 Referans Kwoze

2 Tesalonicenses 3:16

Sonqo tiyaykuyta qoj Tukuyta Kamachej Jesús qankunaman sonqo tiyaykuyta tukuy p'unchay qosuchun. Tukuyta Kamachej Jesustaj qankunawan kachun.

San Lucas 1:28

Chantá maypichus María kasharqa, chayman yaykuspa, ángel payta napaykorqa: Diospa khuyakusqan warmi, tukuy sonqo napaykuyki, nispa.

Jueces 6:12

Jinapi Tata Diospa angelnin payman rikhurispa, nerqa: Tata Dios qanwan kashan, kallpayoj wapu runa, nispa.

2 Timoteo 4:22

Tukuyta Kamachej Jesucristo qanwan kachun. Jinallataj Diospa qhasilla k'acha yanapayninpis qankunawan kachun.

Salmos 118:26

Tata Diospa sutinpi jamojta jatunchaychej. Noqayku Tata Diospa Templonmantapacha qankunata saminchayku.

Rut 4:11

Chantá tukuy chaypi kajkuna, kurajkuna ima kuticherqanku: Arí, testigo kayku. Piwanchus casarakunki, chay warmita Tata Dios yanapachun Raquel jina, Lea jinataj may ashkha mirayniyoj kananpaj. Tukuyninchej paykunaj mirayninku kanchej. Tata Diosqa munachun qanpis sumaj rejsisqa runa kay Efrata cheqapi kanaykita, jinallataj Belén llajtapipis.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

1 Timoteo 6:2

Jesucristota qhatej patronniyoj kajkunaqa patronninkuta ama pisipaj qhawachunkuchu Diosta qhatikoj masinku kasqankurayku. Aswanpis aswan allinta paykunata kasuchunku, imaraykuchus pikunaj kamachiyninpichus kashanku, chaykuna munasqa wawqenku kanku. Timoteo, kay imakunata yachachiy, chantá Jesucristota qhatejkuna kasunankuta yuyaychay.

Rut 2:3

Jinataj Rutqa chajra pataman rispa, ruthojkunaj t'akasqanku cebadata chajmakuyta qallarerqa. Chay chajratajrí Elimelecpa ayllun Boozpata kasqa.

Rut 2:5

Chantá Boozqa chay ruthojkunaj kamachejninkuta tapurerqa: Pejpa ususintaj jaqay sipasri? nispa.

Génesis 28:3

Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

Números 6:24

Tata Dios saminchasuchun, waqaychasuchuntaj.

Jueces 6:16

Chantá Tata Dios kuticherqa: Atinkipuni, imaraykuchus noqa qanwan kasaj. Madianitakunataqa uj sapan runallapis kanman jina atipanki, nispa.

1 Samuel 17:37

Davidqa nillarqataj: Tata Diosqa leonpa siminmanta, jinataj jukumarej siminmantapis qhespichiwarqa. Jinallatataj kay filisteoj makinmantapis qhespichiwanqa, nispa. Chantá Saúl nerqa: Riy ari, Tata Diostaj yanapasuchun, nispa.

1 Crónicas 2:51

Chantá Belenpa tatan Salmá, Bet Gaderpa tatan Jaref ima.

Salmos 134:3

Janaj pachata, kay pachatawan ruwaj Tata Diosqa Sión orqomantapacha qanta saminchasuchun.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.