Rut 2:12 - DIOSPA QHELQACHISQ

¹² Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.

DIOSPA QHELQACHISQAN DEUTEROCANONICAL

¹² Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.

Rut 2:12 Referans Kwoze

Salmos 36:7

7 (8) Diosníy, munakuyniykeqa may sumajpuni. Runakunaqa lijrayki urapi pakakuyta mask'anku.

Salmos 91:4

Lijranwan qhataykusonqa, chay urapitaj sumaj pakasqa kanki. Cheqa kayninpis escudo jina jark'allasonqataj.

Salmos 63:7

7 (8) Qanmin yanapawajniy kanki. Lijrayki urapi pakakuspa, kusisqa takirikusaj.

Salmos 17:8

Ñawi papaykita jina waqaychaway. Lijraykej uranpi ojllaykuspa pakaykuway.

Salmos 61:4

4 (5) Wasiykipi wiñaypaj tiyakuyta munani, lijrayki urapi pakasqa.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

Hebreos 11:26

Moisesqa Egiptopi qhapaj kaspapis, repararqa chhika patapi kawsarikuna qhasilla kasqanta. Aswanpis Cristorayku qhesachasqa kana aswan sumaj kasqanta qhawarqa, imaraykuchus paypa yuyaynin janaj pachapi t'inka jap'inapi kasharqa.

1 Samuel 24:19

19 (20) Cheqamanta ni pipis kanchu awqanta taripaspaña mana wañuchejqa. Chayrayku Tata Diosqa allin kajwan kutichipusuchun, noqawan kunan imatachus ruwasqaykimanta.

Rut 1:16

Ruttajrí kuticherqa: Ama niwaychu saqesunayta, nitaj qanmanta t'aqakunayta. Noqa risaj maymanchá rinki, chayman. Kawsamusajtaj maypichá kawsanki, chaypi. Llajtaykeqa llajtay kanqa, Diosniykipis Diosnillaytaj kanqa.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Mateo 5:12

Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

2 Timoteo 1:18

Tukuyta Kamachej Jesús jaqay jamoj p'unchaypi khuyakuyninta payman rikuchichun. Qan allinta yachanki Onesiforoqa imaynatachus sumajta yanapawasqanchejta Éfeso llajtapi.

San Mateo 6:1

Jesús yachachillarqataj: Ima allinta ruwaspaqa, ama runakunaj rikunantachu ruwaychej, paykuna jatunchasunaykichejpaj. Ajinata ruwajtiykichejqa, janaj pachapi kashaj Tata Diosniykichejqa mana ima t'inkatapis qosonqachejchu.

Proverbios 23:18

Ajinaqa qanta qhepanejman allin risonqa, imatachus suyakusqaykitaj mana qhasipajchu kanqa.

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Salmos 58:11

11 (12) Chantá tukuy runakuna nenqanku: Cheqan runakunaqa t'inkachisqa kanqanku, kay pachapi juzgananpajtaj Dios tiyan, nispa.

Salmos 19:11

11 (12) Chaykunanejta, Tata Dios, qan noqata k'amiwanki. Chantá pichus kamachisqaykita junt'ajtaqa may jinata t'inkachinki.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Rut 2:11

Chantá Booz kuticherqa: Qosaykej wañupusqanmantapacha suegraykiwan imatachus ruwasqaykita uyarerqani. Uyarillarqanitaj aylluykita saqeraspa, mana rejsisqayki llajtaman tiyakoj jampusqaykimantapis.

Rut 2:13

Ruttaj kuticherqa: Wiraqochíy, ancha k'achata parlapayawanki, sonqochawankitaj, noqaqa mana ujnin warmi kamachiyki jinallapischu kashajtiy, nispa.

Rut 4:15

Pay kallpachasonqa, payaña kajtiykipis aysarisonqa, imaraykuchus payqa ñojch'aykej wawan. Payqa qanchis wawakunamantapis aswan sumaj. Mayta munakusonqa, jinataj may k'acha qanwan kanqa, nispa.

Jeremías 31:16

Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

1 Samuel 24:20

20 (21) Kunantaj sut'ita yachani qan kuraj kamachej kanaykita, qan kuraj kamachej jina kashajtiykitaj, israelitakunata tukuy imapi allillan rinanta.