Proverbios 4:4 - DIOSPA QHELQACHISQ

⁴ Tatayqa kay jinata yachachiwaj: Yachachisqayta jap'ikuy, kamachisusqaytataj junt'ay, chaytaj kawsachisonqa.

Qheshwa Biblia DC

⁴ Tatayqa yachachiwaj kay jinata: Sonqoykipi jap'iy nisqasniyta; kamachisqasniyta ruway; chantá kausankitaj.

DIOSPA QHELQACHISQAN DEUTEROCANONICAL

⁴ Tatayqa kay jinata yachachiwaj: Yachachisqayta jap'ikuy, kamachisusqaytataj junt'ay, chaytaj kawsachisonqa.

Proverbios 4:4 Referans Kwoze

Proverbios 3:1

Wawáy, yachachisusqaymanta ama qonqapuychu, kamachisqaytataj sonqoykipi waqaychay.

San Juan 12:50

Noqa yachani Tataypa kamachisqanta kasojkunaqa wiñay kawsayman yaykunankuta. Chayrayku Tatay tukuy imatachus parlanayta kamachiwasqanta qankunaman willarqaykichej, nispa.

Proverbios 7:2

Kamachisqayta, yachachisusqaytawan kasuy. Ñawi papaykita jina kay nisqayta waqaychay, chantá kawsanki.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Timoteo 3:15

Qan wawamantapacha imatachus Diospa Qhelqachisqanmanta yachaqakusqaykita yuyarikuy, imaraykuchus yachayniyoj kayta yachachisunkiman. Jinallataj Cristo Jesuspi atinikuynejta qhespichisqa kanaman apasuyta atin.

Efesios 6:4

Qankunarí tata, mama, ama wawaykichejta phiñachiychejchu. Manachayqa paykunata uywaychej cheqan ñanman churaspa, jinataj Tukuyta Kamachej Jesuspa munasqanman jina yachachispa.

Deuteronomio 6:6

Kunan kay tukuy kamachisqayta sumajta sonqoykipi jap'iy.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

2 Timoteo 1:5

Yuyarikullanitaj tukuy sonqowan Jesucristopi atinikusqaykimanta. Ñawpajta jatun mamayki Loida, chantá mamayki Eunicewan Jesucristopi atinikorqanku, noqataj allinta yachani qanpis paykuna jinallataj Jesucristopi atinikusqaykita.

Proverbios 22:6

Wawaykitaqa juch'uymantapacha allinta yachachiy imaynatachus allinta purinanta, machuyaspataj, yachachisqaykita mana qonqanqachu.

Salmos 119:11

Contraykipi ama juchallikunaypaj nisqaykita sonqoypi jap'ikuni.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Salmos 119:168

Noqaqa nisqaykita, kamachisqaykitapis kasuni, imaraykuchus imaynatachus purisqayta qan yachanki.

Proverbios 23:26

Wawáy, tukuy sonqoykiwan uyariway. Imaynatachus kawsasqayta qhawaspa qhatiy.

Jueces 13:12

Chaypacha Manoaqa nerqa: Maypachachus qanpa niwasqayku junt'akonqa chaypachaqa, imaynatataj chay wawata uywasqaykuri? Imatataj paywan ruwanayku kanqari? nispa.

Salmos 119:144

Kamachisqaykeqa cheqanpuni. Kawsanayta atinaypaj yuyayta qoway.

Proverbios 3:2

Chantá unayta kawsakunki, may sonqo junt'asqataj tiyakunki.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.