Proverbios 26:4 - DIOSPA QHELQACHISQ

⁴ Wampu runamanqa ama wampu kasqanman jina kutichiychu, qanpis ama pay jina wampu kanaykipaj.

Qheshwa Biblia DC

⁴ Wampu runamanqa ama kutichiychu imaynachus kasqanman jina, qampis ama pay jina kanaykipaj.

DIOSPA QHELQACHISQAN DEUTEROCANONICAL

⁴ Wampu runamanqa ama wampu kasqanman jina kutichiychu, qanpis ama pay jina wampu kanaykipaj.

Proverbios 26:4 Referans Kwoze

Proverbios 26:5

Wampumanqa mana yuyayniyoj kasqanman jina kutichiy, ama yachayniyoj kasqanta yuyakunanpaj.

1 Pedro 3:9

Ama sajramanta sajrallatataj kutichiychejchu. Runa turiyajtinkupis ama kikillantataj ruwaychejchu. Manachayqa allin kajta munapuspa kutichiychej, imaraykuchus Diosqa chaypaj wajyasorqachej, paytaj ajinata ruwasqaykichejmanta saminchasonqachej.

1 Reyes 12:14

Imaynatachus chay waynuchukuna umachasqankuman jina kuticherqa: Tatayqa sinch'i ruwanaman churasorqachej, noqatajrí astawanraj yapaykusqaykichej. Tatayqa seq'onawan seq'osorqachej, noqatajrí puntanpi titi bolayoj seq'onawan seq'osqaykichej, nispa.

Proverbios 17:14

Ch'ajwata jatarichinaqa mayuta yaku wasaykoj jinawan ninakun. Chayrayku ch'ajwa manaraj qallarishajtin, ayqekuy.

1 Reyes 12:16

Tukuy runaqa kuraj kamachej paykunata mana uyariyta munasqanta reparaspa, nerqanku: Davidwan mana imapis ruwananchej kanchu. Yeséj churinwanqa mana ima chayaqenchejpis kanchu. Israelitakuna, wasiykichejman ripuychej. Davidpa ayllonqa ayllullanpi kamachichun, nispa. Jinaspa, israelitakunaqa wasinkuman riraporqanku.

Judas 1:9

Chaywanpis arcángel Miguelqa Moisespa ayanrayku Kuraj Supaywan churanakushaspa, mana munarqachu Kuraj Supayta maldicispa juchachayta. Manachayqa pay kayllata nerqa: Tukuyta Kamachej Diosmin k'amisuchun, nispa.

Isaías 36:21

Chaypi kaj tukuy runarí soldadokunata kamachejpa nisqanta uyarillarqanku, manataj imatapis kuticherqankuchu, imaraykuchus Ezequías kamachisqa ch'inlla kanankuta: Amapuni imatapis kutichinkichejchu, nispa.

San Mateo 7:6

Diospaj t'aqasqa kajtaqa ama alqokunaman qaraykuychejchu. Pajtataj kutirimuspa qhanisunkichejman. Nillataj khuchikunamanpis perla walqaykichejkunata wijch'uychejchu, imaraykuchus khuchikunaqa walqakunata sarurallankuman.

Proverbios 23:9

Ama wampu runata imatapis yuyaychaychu, imaraykuchus yuyaychasqaykita pisipaj qhawanqa.

Proverbios 29:9

Yachayniyoj runachus wampu runawan quejanakonqa chayqa, mana imatapis allinchanqachu, imaraykuchus wampoqa asikonqa, phiñakonqa ima.