Proverbios 22:4 - DIOSPA QHELQACHISQ

⁴ Pichus llamp'u sonqowan Tata Diosta kasun, chay runataqa Dios t'inkachenqa qhapaj kaywan, jatunchasqa kaywan, chantá unayta kawsanawan ima.

Qheshwa Biblia DC

⁴ Llamp'u sonqowan Señorta manchachikusqamanta t'inkaqa kanqa: Qhapajyay, allimpi qhawasqa kay, kausaytaj.

DIOSPA QHELQACHISQAN DEUTEROCANONICAL

⁴ Pichus llamp'u sonqowan Tata Diosta kasun, chay runataqa Dios t'inkachenqa qhapaj kaywan, jatunchasqa kaywan, chantá unayta kawsanawan ima.

Proverbios 22:4 Referans Kwoze

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

Santiago 4:10

Aswanpis Tukuyta Kamachej Diosman k'umuykuychej, paytaj jatunchasonqachej.

Proverbios 21:21

Pichus cheqan kawsayta, munakuytawan mask'ajqa unayta kawsanqa. Pay allinpaj qhawasqa kanqa, chantá qhapajyanqa ima.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Proverbios 3:16

Yachayniyoj kayqa unay kawsayta qoyta munasunki, jinallataj qhapajyayta, allinpaj qhawasqa kaytawan ima.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

Isaías 33:6

Paymin allin kawsayta qosunkichej, jinallataj yachayta, yuyayta qosonqachej, chantá kacharichillasonqachejtaj. Tata Diosta may jatun respetowan qhawayqa may jina valorniyojpuni.

1 Timoteo 4:8

Ukhunchejta kuyuchinaqa ukhunchej qhalilla kananpaj yanapan. Chaywanpis Diosta kasuspa purinapaj yachakunaqa aswan sumajraj, imaraykuchus chayqa kay kawsaypaj, jinataj jamoj kawsaypajpis allinninchejpaj kashan.

Proverbios 21:20

Yachayniyojpa wasinpi qhapaj kapuynin, sumajta q'apashaj jawina ima tiyan. Wampu runarí tukuy ima kapusqantapis tukurparin.

Proverbios 22:3

Yuyayniyoj runaqa llakiykuna jamushasqanta reparaspa, pakakun. Mana yuyayniyojrí mana kasuta ruwaspa, ñawpajman rillanpuni, llakiyta tarikuspataj ñak'arin.

Proverbios 22:5

Millayta ruwajkunaj purisqankoqa wajkuna urmanankupaj tojlla jina kashan. Sichus allinta qhawarikuspa purinki chayrí, chaykunamanta karunchakunki.

Proverbios 29:23

Umata oqharej runataqa machu machu kaynin k'umuykuchenqa, llamp'u sonqoyojtajrí jatunchasqa kanqa.

Proverbios 31:30

Warmej allin rijch'ayniyoj kaynenqa yanqhalla, k'achita kasqanpis qhasilla. Tata Diosta may jatun respetowan qhawaj warmirí jatunchasqa kanqa.

Daniel (hebreo) 4:36

36 (33) Chantá chaypachapacha yuyayniyman kutirerqani. Jinataj noqa watej jatunpaj qhawasqa karqani, jinallataj watej kamachiyta qallarerqani. Kamachinaypaj yuyaychawajkuna, yanapawajkuna ima mask'allawarqankutaj kamachinayman kutichinawankupaj. Chaymantataj aswan jatunchasqa karqani ñawpajmanta nisqaqa.

Proverbios 19:23

Pichus Tata Diosta may jatun respetowan qhawaj runaqa unayta kawsanqa. Ajinamanta runaqa may kusisqa kawsakonqa, manataj ima llakiypis payman chayanqachu.