Proverbios 22:1 - DIOSPA QHELQACHISQ

¹ Allinpaj qhawasqa kay, munasqa kay ima aswan allinraj kanku, ashkha qoriyoj, qolqeyoj kanamanta nisqaqa.

Qheshwa Biblia DC

¹ Sumaj sutichasqa, may uyarisqa kaywan aswan allinraj kanku, qorimantawan, qolqemantawan nisqaqa.

DIOSPA QHELQACHISQAN DEUTEROCANONICAL

¹ Allinpaj qhawasqa kay, munasqa kay ima aswan allinraj kanku, ashkha qoriyoj, qolqeyoj kanamanta nisqaqa.

Proverbios 22:1 Referans Kwoze

Eclesiastés 7:1

Sumaj runapaj rejsisqa kayqa astawan allin sumaj q'apashaj jawinamanta nisqaqa. Wañupuna p'unchay astawan allin paqarina p'unchaymanta nisqaqa.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

1 Reyes 1:47

Kuraj kamachej Davidpa kamachinkunapis Davidta napaykoj rispa, nishanku: Diosqa sutiykimanta nisqaqa astawanraj Salomonpa sutinta uyarisqata ruwachun. Kamachiynintapis ajinallatataj qanpa kamachiykimanta nisqaqa aswan jatuntaraj ruwachun, nispa. Jinallataj kuraj kamachej Davidpis Diosta kay jinata yupaychan:

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

Hechos 7:10

Jinapi Diosqa Joseta tukuy ñak'ariyninpi yanaparqa, jinallataj payman yuyayta, yachaytawan qorqa Egiptopi kuraj kamachej faraón allin ñawiwan qhawananpaj. Chaymantataj faraonqa Joseta churarqa tukuy Egiptota kamachinanpaj, ajinallatataj kamachinan wasitapis.

Hebreos 11:39

Tukuy chaykunaqa Diospi atinikusqankurayku Diospa ñawpaqenpi allin runapaj qhawasqa karqanku. Chaywanpis chay runakunaqa Diospa qosaj nisqanta mana jap'erqankuchu.

Proverbios 10:7

Allinta ruwaj runa wañupojtin, runakuna paymanta kusiywan yuyarikunku. Millayta ruwaj runa wañojtinrí, runakuna paymanta usqhayllata qonqapunku.