Proverbios 21:8 - DIOSPA QHELQACHISQ

⁸ Mana allinta purejqa uma nanayta tarikuspalla kawsan. Cheqan sonqoyoj runaj ruwasqankunarí llimphu kanku.

Qheshwa Biblia DC

⁸ Sajra runaj ñannenqa mana cheqanchu, nitaj cheqachu; llimphu runaj ruwasqasninrí cheqampuni.

DIOSPA QHELQACHISQAN DEUTEROCANONICAL

⁸ Mana allinta purejqa uma nanayta tarikuspalla kawsan. Cheqan sonqoyoj runaj ruwasqankunarí llimphu kanku.

Proverbios 21:8 Referans Kwoze

Proverbios 2:15

Paykunaqa cheqan kajta ruwayta saqespa, mana allinta ruwaspa purinku.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

Tito 3:5

Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Tito 1:15

Llimphu kajkunapajqa tukuy ima llimphullataj. Ch'ichi sonqoyojkunapaj, chantá Cristoman mana kutirikojkunapaj imarí mana imapis llimphuchu, imaraykuchus yuyayninku, sonqonkupis juchaj pierdechisqan kashan.

1 Corintios 3:3

imaraykuchus Diosman mana kutirikojkuna imaynatachus purinku, jinallataraj purishankichej. Qankuna ukhupi qhawanakuykuna, churanakuykuna, t'aqanakuykuna ima tiyan. Chaykunata ruwaspaqa, qankuna manapis Diosta qhatejkunachu kawajchej jina ruwashankichej, Diosman mana kutirikojkuna jinataj yuyashankichej.

Hechos 15:9

Payqa noqanchejta, mana judío kajkunatapis uj ñawillawan qhawawanchej. Chayrayku paykunaj sonqonkutapis juchamanta llimphucharqa Jesuspi atinikusqankurayku.

San Mateo 12:33

Allin sach'aqa allin poqoyta poqon. Mana allin sach'arí mana allin poqoytachu poqon. Chayrayku sach'ataqa poqoyninnejta rejsinchej.

San Mateo 5:8

Kusikuyniyojmin kanku llimphu sonqoyojkunaqa, imaraykuchus paykuna Diosta rikonqanku.

Daniel (hebreo) 12:10

Willasqayman jina ashkha ñak'arenqanku, chaymantataj llojsenqanku allinchasqa, llimphuchasqataj. Millayta ruwaj runakunarí millayta ruwaspa purillanqankupuni, manataj imatapis entiendenqankuchu. Yachayniyoj runakunarí tukuy imata reparanqanku.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Eclesiastés 7:29

Kayllata tarini: Diosqa runata cheqanta ruwarqa, chaywanpis runaqa ashkha mana allin imakunata mask'akun, nispa.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Proverbios 15:26

Tata Diosqa mana allinta ruwajkunaj ruwasqankuta millachikun. Pipis allin sonqowan parlajtinrí, Tata Dios chaywan kusikun.

Génesis 6:12

imajtinchus tukuy runakuna allintapuni millayta purinaman qokapusqanku. Kay pachapi millayta ruwaspa purina anchañapuni kasqanta Tata Dios rikorqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Proverbios 21:9

Wasi k'uchullapi tiyakunaqa aswan allin, sumaj jatun wasipi phiñanakuta mask'aj warmiwan tiyakunamanta nisqaqa.

Isaías 26:7

Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Isaías 59:8

Paykunaqa allinpi kawsakuyta mana rejsinkuchu, kawsayninkupitaj cheqan kajta ruway mana kanchu. Purinanku ñanqa wist'ulla, chay mana allin ñanpi paykunata qhatejtaj allinpi kawsayta mana tarenqachu.