Proverbios 2:6 - DIOSPA QHELQACHISQ

⁶ Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Qheshwa Biblia DC

⁶ Señormin qon yachaytaqa; tukuy yachaykuna, sumaj yuyayniyoj kaypis simimanta llojsimun.

DIOSPA QHELQACHISQAN DEUTEROCANONICAL

⁶ Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Proverbios 2:6 Referans Kwoze

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.

Salmos 119:98

Kamachisqaykeqa aswan yachayniyojta ruwawan contraypi kajkunamanta nisqaqa, imaraykuchus kamachisqayki noqawanpuni kashan.

Job 32:8

Chaywanpis tukuy runakuna yachayniyoj kanku, imaraykuchus yachayta Tukuy Atiyniyoj Dios samaykuspa qowarqanchej.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

1 Reyes 3:12

Chayrayku imatachus mañakuwasqaykita ruwasajpuni. Qosqayki sumaj yachayta, jatun sonqotawan, yuyayniyoj kaytapis. Ajinaqa mana ujpis karqachu qan jinaqa, nitaj qanmanta qhepamanpis kanqachu.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Salmos 119:104

Kamachisqaykeqa yuyayniyojta ruwawan. Chayrayku mana allinta ruwaspa purinata chejnikuni.

Daniel (hebreo) 2:23

Ñawpa tataykunaj Diosnin, qanman pachis niyki, yupaychaykitaj, imaraykuchus qan yachayta, kallpatawan qowanki. Kunantaj imatachus mañakorqayku, chayta qan sut'ita rikuchiwanki, imaraykuchus kuraj kamachejpa mosqokusqanta sut'inchawanki, nispa.

Daniel (hebreo) 1:17

Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

1 Reyes 4:29

29 (5.9) Diosqa jatun yachayta, yuyayta, jatun sonqotawan Salomonman qorqa, tukuy imata yachananpaj jinapuni.

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Salmos 19:7

Tata Diospa yachachisqanqa mana pantayniyoj kaspa, runaj sonqonta kawsarichin. Tata Diospa kamachisqanqa cheqanpuni, jinataj mana yachayniyojta yachayniyojman tukuchin.

1 Reyes 3:9

Chayrayku jatun sonqota qoway, jatun yachaytawan, aylluykita allinta kamachinaypaj jina, sajra kajta, allin kajtapis reparanaypaj. Manachayqa, pitaj kay chhikan aylluykita kamachiyta atinmanri? nispa.

Éxodo 31:3

Payta Diospa espiritunwan kallpachani, yachayniyoj, yuyayniyoj kananpaj. Ajinamanta payqa tukuy imata ruwayta yachanqa,

1 Crónicas 22:12

Tata Diostaj sumaj yuyayta yachaytawan ima qosuchun, Israel suyuta kamachishaspa, Tata Diosniykej kamachisqanta junt'anaykipaj.

Nehemías 7:5

Chaypacha Diosqa sonqoyman churarqa kuraj runakunata, aylluta kamachejkunata, tukuy Judapi kaj runakunatapis tantaykunayta, sapa ayllunkuman jina listaykunaypaj ñawpaj chayamojkunaj sutinkunata uj qhelqapi qhelqasqata. Chaypitaj kay jina qhelqasqa kasqa:

Job 22:22

Pay yachachisunanta saqellay, imatachus nisqantataj sumajta jap'ikuy.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Eclesiastés 2:26

Diosqa pichus payta kusichejman jatun yachayta, yuyayniyoj kayta, jinallataj kusikuytawan qon. Jinataj Diosqa saqellan juchasapa runa tukuy imata tantananta, qhapajyanantapis, pichus Diosta kusichejman qonanpaj. Chaypis qhasi manakajlla, wayra jap'iyta munay jinalla kasqanta repararqani.

1 Reyes 10:24

Tukuy runataj Salomonta rejsiyta munaj kanku, chay sumaj yachayta Dios payman qosqanta uyarinankupaj.

Esdras 7:25

Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

Job 12:13

Atiywan, yachaywanqa Diospatamin kanku, imatachus wakichisqanta junt'anpuni.

Job 12:16

Atiywan, yachaywanqa Diospatamin kanku. Ch'awkiyajwan ch'awkiyachikojpis makinpi kashanku.

Salmos 19:8

8 (8) Tata Diospa kamachisqanqa cheqanpuni kaspa, sonqota kusichin. Tata Diospa kamachisqanqa ch'uwa kasqanrayku, runata yachayniyojta ruwan.

Salmos 94:10

Tukuy runata jasut'ejqa manachu k'aminman? Runaman yachachejqa manachu yachanman?

Salmos 119:34

Kamachisqaykita kasunaypaj yuyayta qoway, noqataj tukuy sonqoywan chayta junt'asaj.