Proverbios 2:4 - DIOSPA QHELQACHISQ

⁴ Chaykunata qolqeta jina mask'ay, p'ampasqa qolqeta jina.

Qheshwa Biblia DC

⁴ Sichus qolqeta jina mask'awaj, qolqe p'ampasqata jinataj chayqa,

DIOSPA QHELQACHISQAN DEUTEROCANONICAL

⁴ Chaykunata qolqeta jina mask'ay, p'ampasqa qolqeta jina.

Proverbios 2:4 Referans Kwoze

San Mateo 13:44

Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

Proverbios 16:16

Yachayta tarinaqa qorimantapis astawan allin, yuyayniyoj kanataj qolqemantapis astawan sumaj.

Job 3:21

Wañupuyta suyajmanqa wañuypis mana chayanchu, qorita jina wañuyta mask'ashajtinpis.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

Salmos 119:127

Chayrayku noqaqa kamachisqaykita munakuni, sumaj qorimantapis astawanraj.

Salmos 119:72

Simiykimanta llojsimoj kamachisqakunaqa aswan sumajmin ashkha qorimanta, qolqemantawan nisqaqa.

Salmos 119:14

Qanpa kamachisqaykita junt'aspa kusikuni, tukuy imayoj qhapaj kanamantapis astawanraj.

Salmos 19:10

10 (11) Chayqa sumaj qorimantapis aswan munana, abeja misk'imantapis aswan misk'iraj.

Proverbios 2:3

Tukuy kallpaykiwan yuyayta, sumaj yachaytawan mañakuy.

Proverbios 8:17

Noqaqa pichus munakuwajta munakuni. Pikunachus tukuy sonqo mask'awajkunataj tariwanku.

Génesis 26:32

Chay kikin p'unchayllataj Isaacpa kamachinkuna willaj jamorqanku, allasharqanku chay pujyupi yakuta tarisqankumanta.

Proverbios 4:7

Tukuy imamanta nisqaqa yachayniyoj kayta, allin yuyayniyoj kaytawan mask'ay.