Proverbios 19:12 - DIOSPA QHELQACHISQ

¹² Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Qheshwa Biblia DC

¹² Reypa phiñakuynenqa leompa qhaparisqan jina, khuyakuyninrí qhora patapi chhulla jina.

DIOSPA QHELQACHISQAN DEUTEROCANONICAL

¹² Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Proverbios 19:12 Referans Kwoze

Oseas 14:5

Israelpaj noqa chhulla jina kasaj, paytaj lirio t'ika jina phancharenqa. Saphintaj Libanopi pino sach'aj saphin jina allin saphichasqa kanqa.

Proverbios 20:2

Kuraj kamachej phiñakun chayqa, phiña león jina qhaparin. Payta phiñachej runaqa kawsayninta wañuy pataman churan.

Proverbios 28:15

Wajcha runakunapaj millayta ruwaj kamachejqa qhaparej león jina, chayrí yarqhasqa oso jina.

Salmos 133:3

Chay jina kawsakoyqa, imaynatachus Hermón orqoman chhullajtin, Sión orqokama chayan, ajina. Tata Diosqa k'achata kawsakojkunata saminchan, wiñay kawsaytataj qon.

Miqueas 5:7

7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Daniel (hebreo) 6:24

24 (25) Chaymantataj kuraj kamachejqa kamacherqa Danielpa contranta ch'ataykoj runakunata apamunankuta, warminkunatawan, wawankunatawan ima. Chantá paykunata leonkunaj t'oqonman wijch'uykurarqanku. Manaraj pampaman chayashajtinkutaj, leonkuna phinkimuytawan, paykunata mitharaspa, tukuy tullunkunata p'akiykorqanku.

Daniel (hebreo) 5:19

Dios payman atiyta qosqanrayku, tukuy ayllumanta kajkuna, waj suyukunamanta kajkuna, tukuy imaymana parlayniyoj runakunapis payman k'umuykorqanku, ñawpaqenpitaj kharkatiterqanku. Paytaj munasqanman jina pitapis kawsajta saqej, manachayrí wañuchichej. Wakinkunata jatuncharqa, wakinkunatatajrí k'umuykucherqa.

Eclesiastés 8:4

Kuraj kamachejpa kamachisqanqa kasunapajpuni, manataj pipis payta niyta atinchu: Imatá kayta ruwankiri? nispa.

Salmos 72:6

Kuraj kamachejqa qhorata qarpaj para jina kachun, jallp'ata qarpaj chhulla jinallataj.

Ester (hebreo) 7:8

Amanqa, maypichus Ester winkusharqa, chayman wijch'uykukusqa mañakuspa ama wañuchichinanta. Jinapi kuraj kamachejqa huertamanta kutimorqa, maypichus mikhusharqanku, chayman. Amanta ajinata rikuspataj, kuraj kamachejqa nerqa: Kikin wasiypichu qoyaj honranta t'akayta munanki? nispa. Chayta kuraj kamachej nejtinkamataj, kuraj kamachejpa kamachinkunaqa Amanpa umanta qhataykorqanku, ajinamanta yachayta qospa wañuchisqapuni kananmanta. Chantá, kuraj kamachejpa ujnin kamachin

2 Samuel 23:4

payqa sut'iyaymanta llojsimoj inti jina, mana phuyusqa p'unchaypi inti k'anchaynin jinataj, qhorata wiñachej para jina kanqa, nispa.

Génesis 27:28

Diosqa janajmanta parachimpusuchun, sumajta poqoj jallp'atataj qosuchun, ashkha trigota, ashkha vinotawan.

Deuteronomio 33:28

Israelqa ni imata manchachikusqa tiyakonqa, miraynintaj sonqo tiyaykusqa kawsaypi kawsakonqanku. Jallp'ankupeqa trigo, uva ima sumajta poqonqa. Parapis ni jayk'aj pisiyanqachu.

Isaías 18:4

Ajinata ruwaychej, imaraykuchus Tata Dios kay jinata niwan: Ch'inlla kakuspa, tiyakunaymanta qhawamullasaj, imaynatachus inti k'ancharimuspa k'ajarin, ajinata, jinallataj poqoy oqharina p'unchaypi q'oñimojtin chhulla phuyu phuyuykun, ajinata.

Ester (hebreo) 1:12

Qoya Vastirí kuraj kamachejpa kachankunata mana kasumorqachu. Chayrayku kuraj kamachejqa paypaj maytapuni phiñarikorqa.