Proverbios 16:8 - DIOSPA QHELQACHISQ

⁸ Cheqanta ruwaspa pisitapis ganakunaqa astawan allin, pichus sajrata ruwaspa ashkhata ganajmanta nisqaqa.

Qheshwa Biblia DC

⁸ Cheqamanta aswan pisitapis ganakoyqa aswan allinmin, qhasi mana kajmanta ashkhata gananamanta nisqaqa.

DIOSPA QHELQACHISQAN DEUTEROCANONICAL

⁸ Cheqanta ruwaspa pisitapis ganakunaqa astawan allin, pichus sajrata ruwaspa ashkhata ganajmanta nisqaqa.

Proverbios 16:8 Referans Kwoze

Proverbios 15:16

Wakin runakuna wajcha kaspapis, Tata Diosta kasukuspa kawsanku. Chayqa aswan allin, pichus qhapaj kaspa, uma nanayllata tarikun, chaymanta nisqaqa.

Salmos 37:16

Pichus pisi tiyapuyniyoj kaspapis cheqan runa kanman, chay runaqa aswan sumaj, pichus ashkha tiyapuyniyoj kaspa millayta ruwan, chay runamanta nisqaqa.

Jeremías 17:11

Pichus millayta ruwaspa qhapajyajqa rijch'akun mana paypa runtullanta ojllaj yuthuman. Chay runa kallpallanpiraj kashajtin, qhapaj kapuynin chinkarenqa, qhepamantaj wajchaman tukonqa.

Miqueas 6:10

Juchasapa runaj wasin mana allin kajta ruwaspa qhapajyasqanwan junt'a kashan. Wasinpi kallantaj mana cabal balanza, mayqentachus noqa chejnikuni, chay.

Proverbios 16:7

Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Proverbios 16:9

Runaqa imatachus ruwananta sonqonpi wakichin, Tata Diostajrí chay runata munasqanman jina pusan.

Eclesiastés 4:6

Noqataj nini: Iskay phanita llank'anamantaqa uj phanita samarina aswan allin. Sinch'ita mana samarispa llank'anaqa qhasi manakajlla, chayqa wayra jap'iyta munay jinalla kasqanta repararqani, nispa.

Proverbios 15:17

Astawan allin munanakuypi kawsakuspa q'omerkunallatapis mikhuna, chejninakuypi kawsaspa, waka aychata mikhunamanta nisqaqa.

Proverbios 17:1

Aswan allinmin chojru t'antallatapis mikhuspa allinpi kawsakuna, jatun mikhuyta ruwaspa maqanakuspataj kawsanamanta nisqaqa.

Proverbios 28:6

Pichus wajcha kashaspa cheqan sonqoyoj kajqa aswan allin, pichus qhapaj kaspa millayta ruwaspa purin, chay runamantaqa.