Proverbios 16:4 - DIOSPA QHELQACHISQ

⁴ Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Qheshwa Biblia DC

⁴ Señorqa kay tukuy imasta ruwan uj yuyayllawan; juchasapa runatapis uj p'unchay jasut'isqa kanampaj.

DIOSPA QHELQACHISQAN DEUTEROCANONICAL

⁴ Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Proverbios 16:4 Referans Kwoze

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

Isaías 43:21

Israel aylluytaqa noqata yupaychanawanpaj ruwarqani. Aswan qhepamantaj paykuna tukuynejpi sutiyta jatunchanqankupuni.

Isaías 43:7

Pikunachus sutiyta oqharejkunata, jinallataj pikunatachus noqata jatunchanawankupaj ruwarqani, chaykunata apampuway, nispa.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Job 21:30

Paykuna ninku: Maypachachus Dios phiñakuspa llakiykunata apachimun chaypachaqa, millayta ruwaspa purejta mana imapis pasanchu, nispa.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

Eclesiastés 3:11

Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

Job 15:23

Ayanqa suwintukunaj mikhunan kanqa, payqa wañunan qayllallapiña kasqanta yachan.