Proverbios 13:8 - DIOSPA QHELQACHISQ

⁸ Qhapaj runaqa payta ama wañuchinankupaj qolqeta pagan. Wajchatarí mana pipis mancharichillanpischu.

Qheshwa Biblia DC

⁸ Qhapaj runaj kapuynenqa kausayninta allinman orqhon; wajcharí mana manchachikunchu imanta qhechunankutapis.

DIOSPA QHELQACHISQAN DEUTEROCANONICAL

⁸ Qhapaj runaqa payta ama wañuchinankupaj qolqeta pagan. Wajchatarí mana pipis mancharichillanpischu.

Proverbios 13:8 Referans Kwoze

San Mateo 16:26

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa? Manachayqa, imatataj pipis paganman wiñay kawsayniyoj kananpajri?

Job 2:4

Chantá ch'ataykoj ángel Tata Diosman kuticherqa: Runata imachus astawan nanan, mana chayta t'ojpinchejchu chayqa, tukuy imapis allillan. Qhalilla kawsananrayku runaqa imatapis ruwayta atin.

Sofonías 3:12

Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Jeremías 41:8

Chaywanpis manaraj tukuyninkuta wañuchishajtinku, chaykunamanta chunka runakuna Ismaelta nerqanku: Ama wañuchiwaykuchu. Noqaykojta tiyapuwayku trigoyku, cebadayku, aceiteyku, jinataj abeja misk'iyku ima campopi pakasqa, nispa. Ajinata nisqankurayku Ismael mana paykunata wañucherqachu chay ujkunata jinaqa.

Jeremías 39:10

Judá suyupi tiyakunankupaj saqerqa chay allin wajchakunata, ni imayoj kajkunata ima. Chay p'unchaypitaj paykunaman uva huertata, llank'ana jallp'ata ima qorqa.

Proverbios 6:35

Celosakuywan phiñasqa qosaqa ni imata jap'ikuyta munanqachu, nitaj ni ima sonqonta tiyaykuchiyta atenqachu, ni imata jaywashajtinkupis.

2 Reyes 25:12

Chaywanpis sinch'i wajchakunallata saqerqa, jallp'ata llank'anankupaj chantá uva huertakunatawan qhawanankupaj.

2 Reyes 24:14

Chantá Jerusalén llajtapi tukuy tiyakojkunata, kurajkunata, wapu soldadokunata, fierro takayta yachajkunata, tukuy imata ruwayta yachajkunata jap'ispa, presota jina aparqa. Tukuyninpi 10.000 runakunata aparqa. Judá suyupeqa sinch'i wajcha runakunallata saqerqa.

Éxodo 21:30

Sitajchus wakayoj mana wañuchisqa kananpaj wañojpa ayllun wakayoj mashkhatachus pagananta ninkuman chayqa, wakayojqa nisqankuta paganan tiyan.

Proverbios 13:7

Wakinkunaqa mana imayoj kashaspapis, qhapajpis kankuman jina kawsanku. Wakinkunatajrí tukuy imayoj kashaspapis, wajchapis kankuman jina kawsanku.

Proverbios 13:9

Cheqan runakunaqa lliphipishaj k'anchay jina kanku. Mana allinta ruwaj runakunarí wañushaj mechero jina.

Proverbios 14:24

Yachayniyojpa pillonqa qhapajyay. Wampu runaj pillunrí mana yachayniyoj kaynin.

San Lucas 12:23

Kawsashaspa imaynatachus purinanchejta aswanpaj qhawananchej tiyan, imatachus mikhunanchejmanta, imawanchus p'achallikunanchejmanta nisqaqa.