Proverbios 11:10 - DIOSPA QHELQACHISQ

¹⁰ Cheqan runata allin rejtenqa, llajta masinkuna kusikunku. Mana allinta ruwaj runakuna wañojtinkutaj, raymita ruwanku.

Qheshwa Biblia DC

¹⁰ Cheqan runaspa allin ruwaynenqa llajta runasta kusichin; sajra runas wañojtinkoqa kusiywan phinkiykachanku.

DIOSPA QHELQACHISQAN DEUTEROCANONICAL

¹⁰ Cheqan runata allin rejtenqa, llajta masinkuna kusikunku. Mana allinta ruwaj runakuna wañojtinkutaj, raymita ruwanku.

Proverbios 11:10 Referans Kwoze

Proverbios 28:12

Cheqan runakuna atipajtinkoqa, tukuy anchata kusikunku. Mana allinta ruwajkuna atipajtinkurí, tukuy pakakunku.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.

Proverbios 28:28

Mana allinta ruwaj runakuna atipajtinkoqa, runakuna pakakunku. Millayta ruwajkuna chinkarejtinkutajrí, cheqanta ruwajkuna ashkhayanku.

Job 27:23

Wayraqa manchayta wayraspa, sonaspataj payta qhatiykachanqa, nispa.

Éxodo 15:21

Mariataj ajinata takerqa: Takiychej Tata Diosta jatunchaspa, imaraykuchus payqa awqankunata atipasqata atipan. Mama qochaman carretakunata, caballopi rejkunata ima p'ultiykun, nispa.

2 Reyes 11:20

tukuy runataj maytapuni kusikorqanku. Atalía kamachina wasi chaynejpi wañuchisqa kasqanmanta qhepanejmantaj, Jerusalén llajtapi allin kawsay karqa.

Proverbios 11:11

Cheqanta ruwaj runakunaqa llajtaj allinninpaj kanku. Mana allinta ruwaj runakunaj parlasqankurí mana allin kawsayta chay llajtaman apamun.

Proverbios 29:2

Cheqan runakuna kamachejtinku, llajtayojkuna mayta kusikunku. Millayta ruwaj runakuna kamachejtinkurí, llajtayojkuna llakikunku.

2 Crónicas 23:13

Chaypitaj churasqanku kuraj kamachejta rikorqa, yaykuna chaynejpi sayantaj qayllanpi sayashajta. Ladonpitaj kasharqanku kamachejkuna, cornetakunata waqachejkunapis. Tukuy runataj may kusisqa cornetakunata waqachisharqanku, tocanayoj takejkunapis runakunata takichisharqanku. Chaypacha Ataliaqa p'achanta llik'ikuspa, qhaparerqa: Wasanchawanku, wasanchawanku, nispa.

2 Crónicas 23:21

Tukuynin Judamanta kajkunataj kusikorqanku. Atalía espadawan wañuchisqa kasqanrayku, llajtapeqa mana ima ch'ajwapis karqañachu.

Jeremías 51:48

Janajwan, jinataj kay pachawan, chaypi tukuy kajkunapis Babilonia urmasqanmanta mayta kusikonqanku, wichaynejmanta phirejkuna jamojtinku. Noqa Tata Diosmin chayta nini.