Proverbios 10:16 - DIOSPA QHELQACHISQ

¹⁶ Cheqan runaj pagonqa kawsaymin, millayta ruwaj runaj tarisqanrí juchalla.

Qheshwa Biblia DC

¹⁶ Cheqan runaj t'inkanqa kausaymin; sajra runaj cosechanrí, juchalla.

DIOSPA QHELQACHISQAN DEUTEROCANONICAL

¹⁶ Cheqan runaj pagonqa kawsaymin, millayta ruwaj runaj tarisqanrí juchalla.

Proverbios 10:16 Referans Kwoze

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

1 Corintios 15:58

Ajina ari, munasqa wawqe panakuna, mana sayk'uspa sinch'ita sayaychej, Tukuypa Kamachejpa ruwananpi astawan astawan llank'aspa, imaraykuchus yachankichej Tukuyta Kamachej Jesuswan ujchasqa llank'asqaykichejqa mana qhasipajchu kananta.

Proverbios 11:30

Cheqan kajta ruwanaqa runata kawsachin, yachayniyojtaj wajkunaj sonqonkuta suwan.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

Proverbios 21:21

Pichus cheqan kawsayta, munakuytawan mask'ajqa unayta kawsanqa. Pay allinpaj qhawasqa kanqa, chantá qhapajyanqa ima.