Proverbios 1:7 - DIOSPA QHELQACHISQ

⁷ Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Qheshwa Biblia DC

⁷ Yachaypa qallarikuynenqa, Señorta manchachikuymin; wampu runasqa qhesachanku yachayta, yachachiytawan.

DIOSPA QHELQACHISQAN DEUTEROCANONICAL

⁷ Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Proverbios 1:7 Referans Kwoze

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Salmos 111:10

Yachayniyoj kanapajqa ñawpajta Tata Diosta manchay jatun respetowan qhawana tiyan. Pikunachus kamachisqankunata kasojkunaqa sumaj yuyayniyoj kanku. Tata Diosqa wiñaypaj jatunchasqapuni kanqa.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Proverbios 9:10

Yachayniyoj runa kanapajqa ñawpajta Tata Diosta jatun respetowan qhawana tiyan. May llimphu kaj Diosta rejseyqa runata yuyayniyojman tukuchin.

Proverbios 15:33

Pichus Tata Diosta may jatunpaj qhawajqa yachayniyoj kayta yachaqan. Jatunchasqa kanapajqa ñawpajta llamp'u sonqo kaytaraj yachana.

Proverbios 18:2

Wampoqa manapuni imatapis yachayta munanchu, manachayqa paypa yachasqallanta parlayta munan.

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Proverbios 15:5

Wampu runaqa tatanpa k'amisqanta pisipaj qhawan. Pichus k'amisqata jap'ikojrí yachayniyoj.

Deuteronomio 4:6

Ajinaqa kasuspa junt'aychej. Ajinatachus ruwankichej chayqa, tukuy yachanqanku yachayniyoj, yuyayniyojtaj kasqaykichejta. Waj llajtayojkuna kay kamachisqakunamanta uyarispa, nenqanku: Kay llajtayoj runakunaqa yachayniyoj, yuyayniyojtaj kanku. Kay suyoqa sumajmin, nispa.

Proverbios 2:5

Ajinatachus ruwanki chayqa, imachus Tata Diosta kasuna kasqanta yachanki, jinallataj imaynatachus Diosta rejsina kasqanta tarinki.

Proverbios 15:32

Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

Proverbios 23:9

Ama wampu runata imatapis yuyaychaychu, imaraykuchus yuyaychasqaykita pisipaj qhawanqa.