Proverbios 1:32 - DIOSPA QHELQACHISQ

³² Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Qheshwa Biblia DC

³² Mana ima yachajman tukusqaykichej wañuchisonqachej. Wampu runaqa sajra ruwasqallankuwantaj chinkachisqas kanqanku.

DIOSPA QHELQACHISQAN DEUTEROCANONICAL

³² Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Proverbios 1:32 Referans Kwoze

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Proverbios 8:36

Pichus contraypi juchallikojrí, payllataj mana allin kawsayta mask'akun. Pichus noqata chejniwajqa wañuyta mask'akun.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Hebreos 12:8

Diosrí tukuy wawankunata cheqan ñanman churayta munaspa jasut'in. Sichus Dios qankunata mana jasut'isunkichejchu chayqa, chay niyta munan qankuna mana wawanpunichu kasqaykichejta, manachayqa k'ipa wawalla.

Salmos 69:22

22 (22) Chayrayku jatun mikhuyta wayk'uchisqankoqa paykunallataj urmanankupaj tojllaman tukuchun. K'achata kawsakuy jaywanata jaywasqankupis misk'anankupaj kachun.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Proverbios 8:5

Mana yachayniyojkuna, umayoj kaychej. Wampukuna, allin yuyayniyoj kayta yachaqakuychej.

Isaías 66:4

Noqapis paykunapaj ñak'arinata ajllasaj. Imatachus manchachikunku, chaytapuni paykunaman apachimusaj. Noqaqa wajyarqani, manataj pipis kasuwarqachu. Parlapayarqani, manataj pipis uyariwarqachu, manachayqa rikunayta millayta astawan ruwarqanku. Paykunaqa imatachus mana rikuyta munasqaytapuni ajllakorqanku.

Deuteronomio 28:17

Poqoy pallana canastayki, masa puñanayki bateaykipis maldicisqallataj kanqa.

Proverbios 2:18

Chay warmej wasinman rinaqa wañunamanpis enqhaykukusunman jina.

Proverbios 9:18

Chay runakunarí chaypi wañuna kasqanta mana yachankuchu. Wajyasqankuna jallp'aj sonqoman yaykusqanku.

Proverbios 10:21

Cheqan runaj parlasqanqa ashkha runata yachachin, wampu runarí mana yachayniyoj kasqanrayku wañun.

Proverbios 14:16

Yachayniyojqa manchachikuspa, mana allinta ruwanamanta t'aqakun. Wampurí payllapi atinikuspa, mana allinta qhawarikuspa imatapis ruwarparillan.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.