Proverbios 1:24 - DIOSPA QHELQACHISQ

²⁴ Noqa wajyarqaykichej, qankunatajrí mana uyariyta munarqankichejchu. Makiyta jaywashajtiypis, qankuna mana rikoj tukorqankichej.

Qheshwa Biblia DC

²⁴ Noqa wajyamorqaykichej, qankunataj mana uyariyta munarqankichejchu; makiyta jaywamorqaykichej, qankunataj mana rikoj tukuwarqankichej.

DIOSPA QHELQACHISQAN DEUTEROCANONICAL

²⁴ Noqa wajyarqaykichej, qankunatajrí mana uyariyta munarqankichejchu. Makiyta jaywashajtiypis, qankuna mana rikoj tukorqankichej.

Proverbios 1:24 Referans Kwoze

Romanos 10:21

Israelitakunamantarí kay jinata nillantaj: Sapa p'unchay paykunaman makiyta jaywarqani, paykunataj mana kasuta ruwawarqankuchu, churanakojkuna kasqankurayku, nispa.

Isaías 65:12

Chayrayku noqapis qankunata churasqaykichej espadawan wañuchisqa kanaykichejpaj. Tukuyniykichej ñak'asqa kanaykichejpaj qonqorikunkichej, imaraykuchus chhikata wajyashajtiy, mana kasuta ruwawarqankichejchu. Qankunaman parlapayashajtiypis, mana uyariwaj tukorqankichej, rikunaytataj tukuy ima millayta ruwarqankichej. Imachus noqaman mana allinchu rijch'awan, chaytapuni qankuna ajllakorqankichej.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Isaías 66:4

Noqapis paykunapaj ñak'arinata ajllasaj. Imatachus manchachikunku, chaytapuni paykunaman apachimusaj. Noqaqa wajyarqani, manataj pipis kasuwarqachu. Parlapayarqani, manataj pipis uyariwarqachu, manachayqa rikunayta millayta astawan ruwarqanku. Paykunaqa imatachus mana rikuyta munasqaytapuni ajllakorqanku.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Salmos 31:20

20 (21) Qan paykunata waqaychanki, millay ruwayta munajkunamantataj paykunata libranki. Wasiykipi paykunata pakanki awqankunaj alqochakuyninkumanta.

Hechos 4:30

atiyniykiwan onqosqakunata qhaliyachiyta atinaykupaj ima. Yanaparillawaykutaj runaj mana jayk'aj rikusqanta, may t'ukuna imakunata ima ruwanaykupaj ajllakusqayki kamachiyki Jesuspa sutinpi, nispa.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Isaías 65:2

Sapa p'unchay chay mana kasukoj runakunaman makiyta jaywarqani, pikunachus mana cheqan ñanta purinkuchu, manachayqa millay yuyayninkuman jinalla purinku, chaykunaman.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 44:16

Tata Diospa sutinpi niwasqaykuta mana kasusqaykuchu.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

2 Crónicas 33:10

Tata Diosqa kuraj kamachej Manasesman, tukuy israelitakunaman ima parlapayarqa. Paykunatajrí mana kasorqankuchu.

Job 33:14

Diosqa tukuy imaymanamanta parlapayawanchej, noqanchejtaj mana cuentata qokunchejchu.