Oseas 9:3 - DIOSPA QHELQACHISQ

³ Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Qheshwa Biblia DC

³ Efraenqa Egiptoman kutiponqa, Asiriapitaj mikhonqa ch'ichi mikhunasta. Manaña Señorpa jallp'ampeqa tiyakonqachu.

DIOSPA QHELQACHISQAN DEUTEROCANONICAL

³ Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Oseas 9:3 Referans Kwoze

Ezequiel 4:13

Chantá Tata Dios nillarqapuni: Israelitakunaqa ajina ch'ichipaj qhawasqa t'antata mikhonqanku, maymanchus paykunata apachisaj, chay suyukunapi, nispa.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Levítico 25:23

Jallp'aqa mana wiñaypajchu vendesqa kanqa, imaraykuchus jallp'aqa noqajtamin, chayrayku. Qankunaqa waj llajtayojpis kawajchej jina noqaj wajyarikusqaylla kankichej.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Daniel (hebreo) 1:8

Chaywanpis Daniel sonqonpi nerqa kuraj kamachejpa mikhunanmanta, ujyananmanta ima mana imatapis jap'ikunanta ama Diospa ñawpaqenpi ch'ichichasqa kananpaj. Chayrayku Danielqa kamachina wasipi kamachikunaj kurajninkuta nerqa: Ama ch'ichipaj qhawasqa kanaypaj kuraj kamachejpa mikhunanmanta ama mana munajta mikhuchiwaychejchu, nispa.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

2 Reyes 17:6

Oseas jisq'on watataña kamachishajtin, Asiria suyuta kuraj kamachejqa Samariata jap'erqa, chaypi tiyakoj israelitakunatataj Asiriaman aparqa. Chaypi paykunata Jalajman, Jaborman, Gozán mayu qayllaman, medokunaj llajtankuman ima churarqa.

1 Reyes 9:7

noqaqa kay jallp'ata qorqaykichej, chaymanta qharqosqaykichej. Kay Templota noqapaj t'aqakusqaytapis qhesachallasajtaj. Israel suyutaj, tukuy suyoj asipayasqan kanqa.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.

Hechos 10:14

Pedrotajrí kuticherqa: Tukuyta Kamachej Jesusníy, manapuni noqaqa kunankama ni jayk'aj mikhorqanichu Moisespa kamachisqanpi imatachus ch'ichipaj qhawasqa kasqanta nin, chaykunata, nispa.

Miqueas 2:10

Chayrayku jatarispa, puririychej, kayqa mana samarikunaykichej cheqañachu. Kay cheqaqa juchawan ancha ch'ichichasqa, chayraykutaj chinkachisqa kanqa.

Oseas 11:11

P'isqokuna jina Egiptomanta kharkatitispa phawamonqanku, Asiriamantataj urpikuna jina phawamonqanku. Jinamanta noqa ujtawan wasinkupi tiyakunankuta ruwasaj. Chayta noqa Tata Diosmin nini.

Oseas 11:5

Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.

Josué 23:15

Chaywanpis imaynatachus Tata Diosniykichej sumaj nisqanta junt'arqa, ajinallatataj Tata Diosqa tukuy imaymana llakiykunawan ñak'arichisonqachej, sumaj jallp'ata qosusqaykichejmanta mana uj puchuyoj tukukunaykichejkama.

Deuteronomio 28:68

Tata Diosqa Egiptoman barcopi kutirichisonqa: Mana ni jayk'aj chay jallp'aman kutirinkichu, nispa nishasojtiykipis. Chaypacha qan kikiyki awqaykej wata runan kanaykipaj vendekuyta munanki, nitaj pipis rantikuyta munasonqachu, nispa. Ajinata Moisés nerqa.

Levítico 20:22

Qankuna tukuy kamachisqayta, imatachus nisqaytawan kasuychej, junt'aychejtaj. Kasukunkichej chayqa, tiyakunaykichejpaj maymanchus chayachisqaykichej, chay jallp'amanta mana wijch'umusqaykichejchu.

Levítico 18:28

Pajtataj chay jallp'aqa millayta ruwasqaykichejrayku, qankunatañataj ajtuspa jina wijch'umusunkichejman, imaynatachus qankunamanta ñawpajta tiyakojkunata wijch'umorqa, ajinata.

Lamentaciones 5:6

Mikhunata mask'aspa Egipto llajtayojkunaman, asiriokunaman ima k'umuykorqayku.

Oseas 7:16

Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.