Oseas 7:2 - DIOSPA QHELQACHISQ

² Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Qheshwa Biblia DC

² Mana yachankuchu noqa qhawashasqayta chay tukuy sajra ruwasqasninkuta. Kunanqa chay kikin ruwasqasninku paykunaman muyuykun, chay tukuytaj rikuynimpi kashanku.

DIOSPA QHELQACHISQAN DEUTEROCANONICAL

² Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Oseas 7:2 Referans Kwoze

San Lucas 12:2

Tukuy pakasqa kajpis jinallataj mana sut'inchasqa kajpis sut'inchakonqapuni.

Salmos 90:8

Mana allinta ruwasqaykoqa qanpa ñawpaqeykipi kashan. Pakaypi juchallisqaykutapis sut'iman orqhonki.

Amós 8:7

Tata Diostajrí, piraykuchus Jacob jatunchasqa kashan, chay sutinrayku tiluspa nin: Mana jayk'ajpis qonqasajchu chay jina ruwasqankutaqa, nispa.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Oseas 9:9

Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Jeremías 32:19

Imatachus wakichisqayki jinataj ruwasqayki manchayta t'ukunapaj jina. Qanqa tukuy runaj ruwasqankuta rikunki, ruwasqankuman jinataj qopunki.

Jeremías 16:17

Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

Salmos 25:7

Wayna kashaspa juchallikusqaymanta ama yuyarikuychu, nitaj contraykipi oqharikusqaymantapis. Tata Dios, jatun munakuyniykiman jina, k'acha kayniykiman jinataj noqamanta yuyarikuy.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Salmos 50:22

Qankuna, pikunachus noqata qonqapojkuna, kayta allinta yachaychej: Pajtataj noqa qankunata t'isarpariykichejman, manataj pipis kacharichiyta atisonqachejchu.

Job 34:21

Diosqa runaj purisqanta yachan, imaynatachus kawsasqanta qhawallantaj.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Isaías 44:19

Chay runakuna manapuni unancharinkuchu, nitaj yuyayninku kanchu entiendenankupaj, nitaj sonqonkupi ninkuchu: Kay k'ullumanta wakinta ninaman enqhani, chay nina k'ajaypitaj t'antata chayachini, chayllapitaj aychatapis mikhunaypaj kankani. Puchojmantarí qhasi manakaj lantita ruwani. Uj k'ullumanchu qonqorikusaj? nispa.

Isaías 26:16

Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

Jeremías 17:1

Tata Dios nin: Judá, juchaykeqa fierro cincelwan, chantá puntachasqa diamantewan ima qhelqasqa kashan. Sonqoykipi, chay altarniykikunaj wajrankunapiwan qhelqasqa kashan.

Jeremías 44:21

Qankuna yuyankichejchu kay tukuyta Tata Dios mana yachasqanta? Yuyallankichejtajchu payqa Judá suyupi Jerusalenpa callenkunapi ñawpa tataykichejkuna, kuraj kamachejkuna, kurajniykichejkuna, jinataj tukuy runakuna ima inciensota waj dioskunaman q'oshñichisqaykichejmanta qonqapusqanta?

Oseas 4:9

Noqatajrí aylluyta, jinataj sacerdoteykunatapis chay ruwasqankuman jina jasut'isaj.

Oseas 9:15

Tata Dios nin: Israelitakunaqa Gilgalpi tukuy imaymana mana allin kajta ruwarqanku, chaymantapachataj paykunata chejnikuyta qallarerqani. Millay sajrata ruwasqankuraykutaj wasiymanta paykunata wijch'usaj. Manaña paykunata munakusajñachu, imaraykuchus tukuy kurajninkukuna contraypi oqharikorqanku.

Oseas 12:2

2 (3) Tata Diosqa Israelwan quejaman yaykun. Jacobpa ayllunta mana allin kajta ruwasqankuman jina jasut'enqa, chantá ruwasqanman jinataj pagaponqa.

Jonás 1:2

Kunanpacha Nínive llajtaman puririy, chaypitaj willamuy noqa chay llajtata chinkarparichinayta, imaraykuchus rikuni ruwasqanku may millay kasqanta, nispa.

Salmos 10:11

Millay runaqa sonqonpi nillantaj: Dios noqanchejmanta qonqapun, jinataj uyanta qhataykukun mana imatapis rikunanpaj, nispa.

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Oseas 6:2

Iskay p'unchaymantawan kawsarichiwasunchej, kinsa p'unchayninmantaj sayarichiwasunchej paypa ñawpaqenpi kawsananchejpaj.