Oseas 2:4 - DIOSPA QHELQACHISQ

⁴ 4 (6) Wawankunamantapis mana khuyakusajchu, khuchichakuspa tarikusqan kasqankurayku.

Qheshwa Biblia DC

⁴ Wawasninmantapis mana khuyakusajchu, ujwantaj ujwantaj qhenchachakuypi wawas kasqankurayku.

DIOSPA QHELQACHISQAN DEUTEROCANONICAL

⁴ 4 (6) Wawankunamantapis mana khuyakusajchu, khuchichakuspa tarikusqan kasqankurayku.

Oseas 2:4 Referans Kwoze

Oseas 1:6

Chantá Gomer ujtawan wijsallikuspa, uj warmi wawatañataj paqarichikorqa. Jinapi Tata Diosqa Oseasta nerqa: Chay wawata Lorrujama sutiwan sutichay, imaraykuchus noqaqa manaña Israel suyumanta khuyakusajchu. Manataj paykunata ujtawan qhespichisajchu.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Jeremías 13:14

Chantá paykunata ch'allpaspa, p'uñuta jina phirirasaj, tatakunata wawankutawan khuskata. Paykunamanta mana khuyakuspa, ni uj puchuyojta tukuchisaj. Ajinata Tata Dios nini.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

Romanos 11:22

Qhaway ari, Dios may jina k'acha kasqanta, jinallataj cuentaman churay Diosqa mana imallatapis pasachej kasqanta. Diosqa juchallejkunaj juchankuta mana qhawakullarqachu chaypis, qanwan k'acha karqa. Sitajchus qan k'acha kasqanmanta jap'ikuspa kawsanki chayqa, Diosqa k'achallapuni kanqa. Mana jap'ikunkichu chayrí, qanpis k'utusqallataj kanki.

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

San Juan 8:41

Qankunarí tataykichej jinallataj ruwashankichej, nispa. Paykunataj nerqanku: Mana noqaykoqa k'ipa wawachu kayku. Uj Tatayojlla kayku, chaytaj Diosmin, nispa.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Ezequiel 9:10

Chayrayku noqapis paykunamanta mana uj chhikallantapis khuyakusajchu, nitaj paykunata saminchasajchu. Manachayqa mana allin purisqankumanta cuentata mañaspa, ñak'arichisaj, nispa.

Jeremías 16:5

Tata Dios nillawarqataj: Ama wañuyniyojpa wasinman yaykuychu. Amataj waqaychu, nitaj wañusqayojkunata sonqochaychu, imaraykuchus kay aylluymanta saminchayniyta oqharikapuniña, munakuyniyta, chantá khuyakuyniyta ima. Ajinata noqa Tata Dios nini.

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

2 Reyes 9:22

Chantá Joranqa Jehuta taporqa: Allin sonqowanchu jamushanki? nispa. Paytajrí kuticherqa: Imaynatá allin sonqo jamushayman, mamayki Jezabel lantikunata yupaychaspallapuni, chantá layqeriyoman qokuspallapuni kashajtinri? nispa.

Ezequiel 23:25

Noqa qanpaj sinch'ita phiñakusaj, jinallataj paykunapis phiñakuywan munayninkuta ruwasonqanku. Senqaykita, ninriykitawan khuchusonqanku. Qanmanta puchojkunatataj espadawan wañuchenqanku. Churiykikunata, ususiykikunata ima apakaponqanku, kawsashaj puchojkunatataj ninawan ruphachispa, wañuchenqanku.

Oseas 5:7

Tata Diosta wasancharqanku, wawankukunapis waj tatayoj kanku. Chayrayku, kunanqa uj killallapi jallp'ankupis, paykunapis chinkachisqa kanqanku.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.