Oseas 1:5 - DIOSPA QHELQACHISQ

⁵ Chay p'unchaypi noqaqa Jezrel vallepi Israelpa soldadonkunaj atiyninkuta phirisaj, nispa.

Qheshwa Biblia DC

⁵ Jaqay p'unchaypi Jezreel vallepi noqa phirisaj Israelpa maqanakupi atipaj kayninta, nispa.

DIOSPA QHELQACHISQAN DEUTEROCANONICAL

⁵ Chay p'unchaypi noqaqa Jezrel vallepi Israelpa soldadonkunaj atiyninkuta phirisaj, nispa.

Oseas 1:5 Referans Kwoze

Jueces 6:33

Chaypacha tukuy madianitakuna, jinataj amalecitakunapis, chantá inti llojsimuynejmanta kaj runakunapiwan tantaykukuspa, chimparqanku Jordán mayuta, chantá Jezrel vallepi jaraykukorqanku.

Josué 17:16

Paykunatajrí nerqanku: Arí, Efraín jap'iypi orqorara cheqaqa cheqamanta mana tukuyniykupaj wakinchu. Chaywanpis pampakunapi tiyakoj cananeokunaqa fierromanta carretakunayoj kanku, jinallataj Bet Seanpi chantá Jezrel vallepi tiyajkunajtapis, nispa.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Salmos 46:9

9 (10) Tukuy kay pachapi maqanakuta ch'inyachin. Flecha kacharina arcota, lanzata ima p'akiran, maqanakupaj ruwasqa carretakunatapis ruphaykuchin.

Salmos 37:15

Chaywanpis kikin espadallankutaj sonqonkuta t'ojsiykonqa, flechankutaj p'akirakonqanku.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

Ezequiel 39:3

Chaymantataj lloq'e makiykipi kaj arcoykita p'akirparisaj, flechaykitataj paña makiykimanta pampaman urmachisaj.