Números 8:21 - DIOSPA QHELQACHISQ

²¹ Chantá Diospa ñawpaqenpi llimphu kanankupaj, levitakuna llimphuchakorqanku, p'achankutapis t'ajsakorqanku. Aarontaj sumaj jaywanata jina paykunata Tata Diosman jaywarqa. Levitakunata llimphuchananpajtaj jucha pampachasqa kananpaj jaywanata Tata Diosman jaywarqa.

Qheshwa Biblia DC

²¹ Levitasqa llimphuchakorqanku, p'achasninkutapis t'ajsakorqanku. Jinamanta Aaronqa Señorman paykunata jaywarqa, sumaj rikuchikuta jina. Ajinamanta Aaronqa paykunamanta uj rikuchikuta jina ruwarqa, paykunata llimphuchaspa.

DIOSPA QHELQACHISQAN DEUTEROCANONICAL

²¹ Chantá Diospa ñawpaqenpi llimphu kanankupaj, levitakuna llimphuchakorqanku, p'achankutapis t'ajsakorqanku. Aarontaj sumaj jaywanata jina paykunata Tata Diosman jaywarqa. Levitakunata llimphuchananpajtaj jucha pampachasqa kananpaj jaywanata Tata Diosman jaywarqa.

Números 8:21 Referans Kwoze

Números 8:7

Llimphuchasqa kanankupaj kay jinata ruwanki: Llimphuchana yakuwan paykunata ch'ajchunki. Chaymantataj paykunaqa tukuy ukhunkumanta chujchata raphakonqanku, chantá p'achankutapis t'ajsakullanqankutaj. Ajinata levitakunaqa llimphuchasqa kanqanku.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Números 8:15

Chantá levitakuna llimphuchasqa kaspa, jinataj jaywanata jina noqaman jaywasqa kaspa, chayraj Dioswan Tinkukuna Toldopi ruwanankuta ruwayta qallarenqanku.

Números 19:12

Kinsa kaj p'unchaypi, qanchis kaj p'unchaypiwan, llimphuchakunapaj yakuwan mayllakonqa, chantá llimphupaj qhawasqa kanqa. Sichus mana kinsa kaj p'unchaypi, nitaj qanchis kaj p'unchaypipis llimphuchakonqachu chayqa, mana llimphupaj qhawasqa kanqa.

Números 3:12

Tukuy israelitakunamanta levitakunata ajllakorqani. Paykunata sapa ayllupi kuraj kaj churikunaj cuentanmanta ajllakuni. Chayrayku paykunaqa noqajta kanku.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Números 8:20

Ajinata Moiseswan, Aaronwan, chantá tukuy israelitakunawan ima ruwarqanku, levitakunamanta Tata Dios Moisesman imatachus kamachisqanman jina.

Números 8:22

Chaymantataj levitakunaqa Dioswan Tinkukuna Toldopi imachus ruwanankuta junt'aj rerqanku. Aaronwan, churinkunawan imataj qhawaspa ruwacherqanku. Ajinata Tata Dios Moisesman kamachisqanman jina levitakunawan ruwarqanku.

Levítico 14:11

Chantá llimphuchaj sacerdoteqa llimphuchakoj runata, jinataj Diosman jaywananpaj apamusqantawan, Tata Diospa ñawpaqenman qayllachenqa, Dioswan Tinkukuna Toldo punkuman.