Números 8:12 - DIOSPA QHELQACHISQ

¹² Chaymantá levitakunañataj torillokunaj umanman makinkuta churanqanku. Chaymantataj ujnin kaj torillota jucha pampachasqa kananpaj jaywanki. Ujnintataj q'olachispa Tata Diosman jaywanki levitakuna llimphuchasqa kanankupaj.

Qheshwa Biblia DC

¹² Chaymantataj levitasñataj chay aysamusqa waka uñaspa umanman makisninkuta churanqanku. Jinamanta ujnin kaj wakaqa juchaspa cuentanmanta Señorman jaywasqa kanqa; ujnin kajtaj Señorpaj ruphachinapaj kanqa, levitasta Señorpaj t'aqapunapaj.

DIOSPA QHELQACHISQAN DEUTEROCANONICAL

¹² Chaymantá levitakunañataj torillokunaj umanman makinkuta churanqanku. Chaymantataj ujnin kaj torillota jucha pampachasqa kananpaj jaywanki. Ujnintataj q'olachispa Tata Diosman jaywanki levitakuna llimphuchasqa kanankupaj.

Números 8:12 Referans Kwoze

Éxodo 29:10

Chaymantaqa Dioswan Tinkukuna Toldo punkuman torillota aysanki, chaypitaj Aarón, churinkunawan ima torilloj umanman makinkuta churanqanku.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.

Levítico 8:14

Chantá Moisés kamacherqa jucha pampachasqa kananpaj jaywana torillota apamunankuta. Apamojtinkutaj, Aaronwan, churinkunawan ima torilloj umanman makinkuta churarqanku.

Levítico 1:4

Pichus jaywajqa makinta uywaj umanman churanqa. Ajinamanta uywata ñak'aspa q'olachisqanqa juchan pampachasqa kananpaj jap'isqa kanqa.

Números 8:8

Chaymantataj uj torillota apamullachunkutaj, aceitewan puñasqa sumaj jak'utawan ima ch'aki mikhuy jaywanata jaywanapaj. Jinallataj jucharayku Diosman jaywanapaj uj torillota apamullachunkutaj.

Números 6:16

Sacerdotetaj chayta q'olachispa, Tata Diosman jaywanqa, jinataj jucha pampachasqa kananpaj jaywallanqataj.

Números 6:14

Chaypitaj uj watayoj corderota mana iman imanasqata Tata Diosman jaywanqa, q'olachisqa kananpaj. Jucha pampachasqa kananpajtaj, uj watayoj malta ovejata mana iman imanasqata Tata Diosman jaywallanqataj. Jinallataj uj carnerota mana iman imanasqata k'acha kawsakuy jaywanata jaywananpaj apallanqataj.

Levítico 16:21

Chaymantataj chivoj umanman makinta churaspa, israelitakunaj tukuy juchallisqankuta, Diospa contranpi oqharikusqankuta, tukuy ima millay ruwasqankutawan Diosman rimarenqa. Ajinata ruwaspa, israelitakunaj juchankuta chivoman chajnaykonqa. Chaymantataj chay chivota ch'innejpi kacharparinanpaj uj runawan qhatichenqa.

Levítico 16:11

Chantá Aaronqa paypa juchan, chantá ayllunpa juchan pampachasqa kananpaj torillota ñak'aspa, Tata Diosman jaywanqa.

Levítico 16:6

Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

Levítico 14:22

Chantá atisqanman jina apamullachuntaj iskay jurk'utata, chayrí iskay urpi irpata. Ujnin kanqa jucha pampachasqa kananpaj Diosman jaywanapaj, ujnintaj q'olachispa Diosman jaywanapaj.

Levítico 9:7

Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.

Levítico 8:34

Tata Dios kamacherqa juchaykichej pampachasqa kananpaj kunan imatachus ruwarqanchej, chayta ruwanata.

Levítico 8:18

Chaymanta Moisesqa q'olachispa jaywanapaj corderota apamunankuta nerqa. Apamojtinkutaj, Aaronwan, churinkunawan ima uywaj umanman makinkuta churarqanku.

Levítico 5:7

Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

Levítico 4:35

Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 4:20

Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 4:4

Torillotaqa Tata Diospa ñawpaqenman, Dioswan Tinkukuna Toldo punkuman apamonqa. Chantá torilloj umanman makinta churaspa, Tata Diospa ñawpaqenpi ñak'anqa.

Levítico 4:15

Chaypitaj israelitakunaj kurajninkuna Tata Diospa ñawpaqenpi torilloj umanman makinkuta churanqanku. Chantá chaypi torillota ñak'anqanku.

Números 8:13

Chaymantataj Aaronpa, chantá churinkunaj ñawpaqenpi ima levitakunata sayachispa, paykunata jaywanata jina noqaman jaywawanki.

Levítico 8:15

Chaymantataj Moisés torillota ñak'arqa. Chantá torilloj yawarninta jap'erqa, maki ruk'ananta yawarman chhapuspataj, altarpa tawantin wajrankunata jawerqa. Puchoj yawartataj altarpa uranman jich'arqa. Ajinata ruwaspa, Moisés altarta Tata Diospaj t'aqarqa, chaypi tukuy runaj juchan pampachasqa kananpaj.