Números 6:5 - DIOSPA QHELQACHISQ

⁵ Manallataj chujchantapis k'utuchikonqachu. Manachayqa chujchanta wiñachikunallan tiyan mayk'ajkamachus Tata Diospaj t'aqasqa kananta nerqa, chayta junt'anankama. Chaykama payqa Diospaj t'aqasqallapuni kanan tiyan.

Qheshwa Biblia DC

⁵ Manallataj chujchasnintapis k'utuchikuyta atinchu, mana chayqa wiñachinallan tiyan mashkha tiempopajchus Diospaj kananta nerqa chaykama, imaraykuchus payqa Diospaj t'aqasqallapuni kanan tiyan.

DIOSPA QHELQACHISQAN DEUTEROCANONICAL

⁵ Manallataj chujchantapis k'utuchikonqachu. Manachayqa chujchanta wiñachikunallan tiyan mayk'ajkamachus Tata Diospaj t'aqasqa kananta nerqa, chayta junt'anankama. Chaykama payqa Diospaj t'aqasqallapuni kanan tiyan.

Números 6:5 Referans Kwoze

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.

Jueces 16:17

Chantá Dalilaman mana llullakuspa, Sansonqa willaykaporqa imatachus pakasharqa, chayta: Mana jayk'ajpis chujchayta k'utuchikunichu, imaraykuchus manaraj paqarikusqaymantapacha Diospaj t'aqasqa nazareo kani. Jinapi sichus pipis chujchayta k'utuwanman chayqa, kallpay chinkanman, chantá mayqen runa jinalla kallpayoj kayman, nispa.

Jueces 13:5

Uj qhari wawayki kapusonqa. Qanrí chay wawaykej chujchantaqa ama k'utuchinkichu, imaraykuchus chay wawaqa Tata Diospaj t'aqasqa nazareo kanqa manaraj paqarikusqanmantapacha. Aswan jaqaymantaj paymin israelitakunata filisteokunaj makinmanta kacharichenqa, nispa.

Jueces 16:19

Jinapi Dalilaqa Sansonta puñurpacherqa arphin pataman siriykuchispa. Chaypachataj wajyarqa uj filisteo runata, Sansonpa chay qanchis simp'ankunata k'utunanpaj. Ajinamanta Sansonqa mana kallpayoj rikhurerqa.

Hechos 18:18

Pabloqa unaytaraj Corintopi qhepakorqa. Chaymantataj wawqe panakunaman: Tinkunakama kachun nispa, Aquilawan, warmin Priscilawan khuska Cencrea llajtaman purirerqanku. Cencrea llajtapitaj Pabloqa umanta raphachikorqa, yachayta qonanpaj imatachus Diosman ruwasaj nisqanta junt'asqanmanta. Chantá boteman wicharerqanku Siria jap'iyman rinankupaj.

Números 6:4

Diospaj t'aqasqa kananta junt'anankamaqa uvaj poqosqanmanta ama ni imata mikhonqachu, ni mujunta, nitaj qarantapis.

Ezequiel 44:20

Chujchankuta mana p'ajlata t'ojlukonqankuchu nillataj anchatapis wiñachikonqankuchu, manachayrí patallamanta k'utukonqanku.