Números 6:2 - DIOSPA QHELQACHISQ

² Israelitakunata kay jinata niy: Sichus uj qhari, chayrí uj warmi nin Tata Diospaj t'aqasqa nazareo kananta chayqa,

DIOSPA QHELQACHISQAN DEUTEROCANONICAL

² Israelitakunata kay jinata niy: Sichus uj qhari, chayrí uj warmi nin Tata Diospaj t'aqasqa nazareo kananta chayqa,

Números 6:2 Referans Kwoze

Jueces 13:5

Uj qhari wawayki kapusonqa. Qanrí chay wawaykej chujchantaqa ama k'utuchinkichu, imaraykuchus chay wawaqa Tata Diospaj t'aqasqa nazareo kanqa manaraj paqarikusqanmantapacha. Aswan jaqaymantaj paymin israelitakunata filisteokunaj makinmanta kacharichenqa, nispa.

Romanos 1:1

Noqa Pabloqa Jesucristoj wata runan kani, kachan kanaypaj wajyasqa, jinataj Diospa sumaj willayninmanta willanaypaj t'aqasqa.

Hebreos 7:27

Jesusqa mana chay waj kuraj kaj sacerdotekuna jinachu. Paykuna sapa p'unchay uywa ñak'asqata q'olachispa Diosman jaywananku karqa, ñawpajta paykunaj juchankurayku, qhepantataj runakunaj juchankurayku. Jesusrí runakunaj juchanku pampachasqa kananpaj uj kutillata wiñaypaj wañorqa, pay kikin kawsayninta qospa.

Gálatas 1:15

Chaywanpis manaraj paqarishajtiy, Dios ajllakuwarqa, jinallataj qhasilla k'acha yanapayninrayku wajyakuwarqa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

San Lucas 1:15

imaraykuchus pay jatunpaj qhawasqa kanqa Tukuyta Kamachej Diospa ñawpaqenpi. Mana vinota, nitaj ima machachej ujyanata ujyanqachu. Chantá mamanpa wijsanmantapacha Santo Espíritoj kamachiyninpi kanqa.

Proverbios 18:1

Imatapis payllapaj munaj runaqa paypa allinnillanta mask'an. Wajkuna imatapis yuyaychayta munajtinku, mana uyariyta munanchu.

1 Samuel 1:28

Chayrayku noqapis kunanqa kay wawata Tata Diosman qopunaypaj pusamuni. Kawsanankamaqa Tata Diospata kachun, nispa. Chantá chaypi Tata Diosta yupaycharqanku.

Jueces 16:17

Chantá Dalilaman mana llullakuspa, Sansonqa willaykaporqa imatachus pakasharqa, chayta: Mana jayk'ajpis chujchayta k'utuchikunichu, imaraykuchus manaraj paqarikusqaymantapacha Diospaj t'aqasqa nazareo kani. Jinapi sichus pipis chujchayta k'utuwanman chayqa, kallpay chinkanman, chantá mayqen runa jinalla kallpayoj kayman, nispa.

Levítico 27:2

Israelitakunata kay jinata niy: Sichus pillapis Tata Diosman imatachus nisqanta junt'ayta munan chayqa, uj runaj precion mashkhachus kasqanman jina pagaspa, orqhokaponqa.

Levítico 20:26

Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Hechos 18:18

Pabloqa unaytaraj Corintopi qhepakorqa. Chaymantataj wawqe panakunaman: Tinkunakama kachun nispa, Aquilawan, warmin Priscilawan khuska Cencrea llajtaman purirerqanku. Cencrea llajtapitaj Pabloqa umanta raphachikorqa, yachayta qonanpaj imatachus Diosman ruwasaj nisqanta junt'asqanmanta. Chantá boteman wicharerqanku Siria jap'iyman rinankupaj.

Números 6:1

Tata Dios Moiseswan parlaspa, nillarqataj:

Jueces 13:4

Chayrayku kunanmanta ama vinota ujyankichu, nitaj waj machachikoj ujyanakunatapis, nillataj ch'ichipaj qhawasqa mikhunatapis mikhunkichu.

Jeremías 35:6

Paykunatajrí kutichiwarqanku: Noqaykoqa vinota mana ujyaykuchu, imaraykuchus Recabpa churin ñawpa tatayku Jonadab kamachiwarqayku mana jayk'ajpis vinota ujyanaykuta, noqayku nitaj wawaykukunapis.

Números 30:3

3 (4) Ichapis uj sipas tatanpa makillanpiraj kashaspa, imatapis Tata Diosman qonanta ninman, chayrí imatapis ruwananta ninman.

Jueces 13:14

Ama vinota ujyachunchu, nitaj machachej ujyaykunatapis. Amallataj mikhuchunchu ch'ichipaj qhawasqa mikhuykunatapis. Chay tukuy kamachisqaykunata warmiyki junt'anan tiyan, nispa.