Números 6:18 - DIOSPA QHELQACHISQ

¹⁸ Chantá nazareoqa Dioswan Tinkukuna Toldo punkupi chujchanta ruthuchikuspa, Diospaj t'aqasqa kasqanmanta chujchanta k'achata kawsakuy jaywanata q'olashaj ninaman wijch'uykonqa.

Qheshwa Biblia DC

¹⁸ Chay nazareo nisqa karqa chaytaj chujchasninta Dioswan tinkukuna toldo punkupi ruthuchikonqa. Diospaj t'aqasqa kasqanta wiñachisqan chay chujchasnintataj jap'iytawan ninaman ruphachenqa allinyakuy rikuchiku ruphasharqa chayman.

DIOSPA QHELQACHISQAN DEUTEROCANONICAL

¹⁸ Chantá nazareoqa Dioswan Tinkukuna Toldo punkupi chujchanta ruthuchikuspa, Diospaj t'aqasqa kasqanmanta chujchanta k'achata kawsakuy jaywanata q'olashaj ninaman wijch'uykonqa.

Números 6:18 Referans Kwoze

Hechos 21:24

Qanpis paykunawan khuska Temploman rispa, kamachisqaman jina Diospa ñawpaqenpi llimphuchakuy. Chantá paykuna chujchankuta ruthuchikunankupaj qan qolqeta churapuy. Ajinata ruwajtiyki, tukuy yachanqanku mana jinachu kasqanta qanmanta uyarisqankoqa. Aswanpis rikonqanku qanpis Diospa kamachisqanta junt'asqaykita.

Números 6:9

Sichus nazareoj qayllanpi mana yuyasqallamanta pillapis wañupunman chayqa, Diospaj t'aqasqa kasqanta rikuchej chujchan ch'ichipaj qhawasqa kanqa. Jinaqa qanchis p'unchayta suyanan tiyan, chaymantataj chujchanta ruthuchikonqa, ajinamanta llimphuchasqa kanqa.

Hechos 18:18

Pabloqa unaytaraj Corintopi qhepakorqa. Chaymantataj wawqe panakunaman: Tinkunakama kachun nispa, Aquilawan, warmin Priscilawan khuska Cencrea llajtaman purirerqanku. Cencrea llajtapitaj Pabloqa umanta raphachikorqa, yachayta qonanpaj imatachus Diosman ruwasaj nisqanta junt'asqanmanta. Chantá boteman wicharerqanku Siria jap'iyman rinankupaj.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Hechos 21:26

Iglesiaj kurajninkunaj nisqankuta kasuspa, Pabloqa chay tawa runakunawan khuska q'ayantin llimphuchakorqa Diospa ñawpaqenpi allinpaj qhawasqa kananpaj. Chaypacha Temploj pationman yaykuspa, tukuypa uyarinanta willarqa mayk'ajchus llimphuchakunanku tukukunanta. Chay qhepatataj uywa ñak'asqata Diosman q'olachispa jaywananku karqa sapa ujninkumanta.

San Lucas 17:10

Ajinallatataj qankunapis Diospa tukuy kamachisqanta ruwayta tukuytawankama, ninaykichej: Mana walej kamachichu kanchej, imaraykuchus ruwanallanchejta junt'anchej, nispa.

Números 6:5

Manallataj chujchantapis k'utuchikonqachu. Manachayqa chujchanta wiñachikunallan tiyan mayk'ajkamachus Tata Diospaj t'aqasqa kananta nerqa, chayta junt'anankama. Chaykama payqa Diospaj t'aqasqallapuni kanan tiyan.

Hechos 21:23

Runakuna ama chayta qanmanta yuyanankupaj kay nisqaykuta ruway: Noqayku ukhupi tawa runakuna Diospaj ruwasaj nisqankuta junt'ananku tiyan.

Números 6:17

Chay jawa, k'achata kawsakuna jaywanata jaywanapaj uj carnerota, chantá mana levadurayoj ruwasqa t'antatawan ima uj canastapi apamullanqataj. Jinallataj Sacerdoteqa Tata Diosman ch'aki mikhuy jaywanata, chantá vinotawan ima jaywallawanqataj.