Números 27:18 - DIOSPA QHELQACHISQ

¹⁸ Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

Qheshwa Biblia DC

¹⁸ Señortaj Moisesman kuticherqa: Numpa wawan Josueta ajllay, payqa sumaj k'acha yuyayniyoj runa; paypa patanman makisniykita churay.

DIOSPA QHELQACHISQAN DEUTEROCANONICAL

¹⁸ Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

Números 27:18 Referans Kwoze

Deuteronomio 34:9

Nunpa churin Josuerí sumaj yachayniyoj kanawan junt'a karqa, Moisés paypa umanman makinta churasqanrayku. Israelitakunataj payta kasorqanku, chantá Tata Dios imaynatachus Moisesman kamachisqanman jina ruwarqanku.

Números 27:23

Chaypitaj umanman makinta churaspa, cuentanmanta kamachej kananpaj churarqa, Tata Dios Moisesman nisqanman jina.

Génesis 41:38

Chantá faraón nerqa: Joseta jina Diospa espiritunwan kaj runataqa mana maypipis tarisunmanchu, nispa.

Deuteronomio 31:23

Tata Diostaj Nunpa churin Josueman kay jinata kamacherqa: Qanqa kallpachakuy, waputaj kay, imaraykuchus qanmin israelitakunata, paykunaman qonayta nerqani, chay jallp'aman pusaykunki. Noqataj qanwanpuni kasaj, nispa.

Hechos 19:6

Pablo umanku pataman makinta churaykojtintaj, Santo Espíritu paykunaman urayk'amorqa. Chantá waj parlaykunapi parlarqanku, Diosmantataj sut'incharqanku.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Deuteronomio 3:28

Qanqa Josueta yachachispa, sumaj sut'ita kamachiy, sonqochay, kallpachaytaj, imaraykuchus paymin israelitakunata pusanqa. Payqa, kunan rikunki, chay jallp'ata paykunaman rak'enqa, nispa.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj, sumaj yachayniyojtaj kasqaykita.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Hebreos 6:2

Jinallataj amaña parlanachu bautizakuna kasqanmanta, Santo Espirituta jap'inapaj makita umaman churanamanta, wañusqamanta kawsarimpuymanta, chantá wiñaypaj jasut'iymanta ima.

1 Timoteo 5:22

Chantá, ama pitapis usqhay usqhayta iglesiata pusarej kananpaj churallaychu, pantaykojtin, ama ruwaysikoj jina rikhurinaykipaj. Manachayqa qan kikiyki mana allin kajmanta t'aqakuy.

1 Timoteo 4:14

Ama qonqapuychu ruwanapaj atiy qanman qosqa karqa, chayta ruwanamanta. Chay atiy Diospa sut'inchasqanman jina qanman qosqa karqa, maypachachus iglesiamanta kurajkuna makinkuta umayki pataman churarqanku, chaypacha.

Hechos 13:3

Chantá iglesiaj kurajninkuna ayunaspa, Dioswan parlarikorqanku. Jinataj Bernabejpa umanman, Saulojpamanwan makinkuta churaykuspa, paykunata kacharqanku.

Hechos 6:6

Chantá wawqekunaqa ajllasqanku runakunata Jesuspa kuraj kachankunaj ñawpaqenkuman pusamorqanku. Paykunataj chay runakunarayku Diosmanta mañapuspa, makinkuta ajllasqakunaj umankuman churarqanku.

Hechos 6:3

Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

Números 13:16

Paykunata Moisesqa Canaán jallp'ata qhawamunankupaj kacharqa. Moisestaj Nunpa churin Oseastarí “Josué”, nispa suticharqa.

Números 13:8

Efraín jatun ayllumantataj Nunpata churin Oseas,

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Éxodo 17:9

Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

Deuteronomio 1:37

Qankunaj juchaykichejrayku, Tata Diosqa noqapajpis phiñarikullarqataj. Chayrayku niwarqa: Qanpis manallataj chay jallp'aman yaykunkichu.

Deuteronomio 31:3

Chaywanpis Tata Diosniykichej ñawpaqeykichejta chimpanqa. Risqaykichejman jinataj chay suyukunapi runata chinkachenqa, jallp'ankutataj jap'ikapunkichej. Tata Dios nisqanman jina, Josué kurajniykichej jina, ñawpaqeykichejta rispa pusasonqachej.

Deuteronomio 3:21

Chaypacha Josueta kay jinata kamachillarqanitaj: Tata Diosniyki chay iskay kuraj kamachejkunata imaynatachus ruwasqanta, qan kikiyki rikorqanki. Maynejmanchus chayanki, Tata Diosqa chaypi kuraj kamachejkunata kikillantataj ruwanqa.

Deuteronomio 31:14

Chantá Tata Diosqa Moisesta nillarqataj: Wañupunayki qayllallapiña kashan. Ajinaqa Josueta wajyay, chantá iskayniykichej Dioswan Tinkukuna Toldoj pationpi suyawaychej. Noqataj payman imatachus ruwananta kamachisaj, nispa. Chantá Moiseswan, Josuewan ima Dioswan Tinkukuna Toldoman rerqanku.

Josué 1:17

Imaynatachus Moisesta kasorqayku, ajinallatataj qantapis kasusqaykupuni. Tata Diosniykitaj qanwanpuni kachun, imaynatachus Moiseswan karqa, ajinata.

1 Crónicas 7:27

Elisamaj churintaj Nun karqa, paypa churintaj Josué.