Números 24:8 - DIOSPA QHELQACHISQ

⁸ Diosqa israelitakunata Egiptomanta orqhomorqa. Diosqa paykunapaj k'ita toro jina manchay kallparara. Diosqa paywan churanakoj suyukunata mikhukaponqa. Tullunkuta p'akiran, arcowan flechaspataj paykunata t'ojsenqa.

Qheshwa Biblia DC

⁸ Diosqa Egiptomanta orqhomun, paykunapajqa búfalo waka jina may kallpasapa. Israelqa qayllasnimpi kaj runasta mikhukaponqa; Tullusninta p'akiranqa, Wach'inasninwan nanaykuchenqa.

DIOSPA QHELQACHISQAN DEUTEROCANONICAL

⁸ Diosqa israelitakunata Egiptomanta orqhomorqa. Diosqa paykunapaj k'ita toro jina manchay kallparara. Diosqa paywan churanakoj suyukunata mikhukaponqa. Tullunkuta p'akiran, arcowan flechaspataj paykunata t'ojsenqa.

Números 24:8 Referans Kwoze

Salmos 45:5

5 (6) Kuraj kamachejníy, tukuy suyumanta runakuna k'umuykamusunku, flechaykikunataj awqaykikunaj sonqonkuman sat'iykukun.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Números 23:24

Kay runakunaqa león jina sayaykonqanku, phiña león jinataj sayarenqanku. Jap'isqanta mikhunankama mana samarenqachu, jap'isqanpa yawarninwan sajsakunankama, nispa.

Números 23:22

Diosqa paykunata Egiptomanta orqhomorqa kallparara k'ita toro jina kallpawan.

Números 14:9

Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Isaías 38:13

Noqaqa nanaywan qhaparikuspa sut'iyarqani, uj leonpis tulluykunata mitharparinman jina. Uj p'unchayllapi kawsayniy tukukapun.

Daniel (hebreo) 6:24

24 (25) Chaymantataj kuraj kamachejqa kamacherqa Danielpa contranta ch'ataykoj runakunata apamunankuta, warminkunatawan, wawankunatawan ima. Chantá paykunata leonkunaj t'oqonman wijch'uykurarqanku. Manaraj pampaman chayashajtinkutaj, leonkuna phinkimuytawan, paykunata mitharaspa, tukuy tullunkunata p'akiykorqanku.

Salmos 21:12

12 (13) Qanqa tukuyninkuta ayqechinki, maypachachus paykunaj contrankupi arcowan flechaykita kacharinki, chaypacha.

Deuteronomio 32:42

Flechaykunata yawarman chhapusaj, espadaytaj paykunata wañuchispa, tukuchenqa. K'irinchasqakunaj, chantá jap'isqakunaj yawarninkuwan ima chhapusaj, chujchasapa awqaykunata kamachejkunaj yawarninkuwan ima, nispa.

Deuteronomio 32:23

Imaymana ñak'ariykunata paykunaj patankuman kachaykusaj. Paykunaj contrankuta arcoywan tukuy flechaykunata kacharisaj.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

San Mateo 2:15

Chantá paykuna chaypi qhepakorqanku Herodes wañunankama. Ajinata Tukuyta Kamachej Dios sut'inchajninnejta imatachus nisqan junt'akorqa: Churiyta Egiptomanta jampunanpaj wajyarqani, nispa.

Josué 2:10

Noqayku uyariyku, Egiptomanta llojsimushajtiykichej, Puka Mama Qochapi yakuta Tata Dios ch'akichisqanta, chayninta qankuna chimpanaykichejpaj. Yachallaykutaj qankunaqa amorreo runakunaj iskaynin kuraj kamachejninkuta, Sijonta chantá Ogtawan atipaspa chinkarparichisqaykichejta. Paykunaqa Jordán mayu chimpapi karqanku.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Salmos 45:6

6 (7) Kamachinayki tiyanaqa, Diosníy, wiñay wiñaynintinpaj kashan, qantaj justiciata ruwaspa kamachinki.