Números 23:24 - DIOSPA QHELQACHISQ

²⁴ Kay runakunaqa león jina sayaykonqanku, phiña león jinataj sayarenqanku. Jap'isqanta mikhunankama mana samarenqachu, jap'isqanpa yawarninwan sajsakunankama, nispa.

Qheshwa Biblia DC

²⁴ Kay runasqa uj león jina sayarinku, imaynatachus leonqa imatachus jap'isaj nisqanta mikhunankama paran, imatachus jap'isqasnimpa yawarninta ujyanankama paran, ajinata.

DIOSPA QHELQACHISQAN DEUTEROCANONICAL

²⁴ Kay runakunaqa león jina sayaykonqanku, phiña león jinataj sayarenqanku. Jap'isqanta mikhunankama mana samarenqachu, jap'isqanpa yawarninwan sajsakunankama, nispa.

Números 23:24 Referans Kwoze

Génesis 49:9

Judaqa león uña jina. Jap'ej risqanmanta kutimuspa, payqa jatun leonpis kanman jina winkuykun, chantá phinkiykun. Pitaj payta t'ojpinmanri?

Génesis 49:27

Benjaminqa phiña atoj jina, imatachus jap'isqanta tutamanta mikhun, ch'isiyaykuytataj puchusqanta rak'iran, nispa.

Apocalipsis 5:5

Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.

Zacarías 12:6

Chay p'unchaypi Judamanta kurajkunata ruwasaj llant'a ukhupi nina k'ajarishaj jina kanankupaj, trigo marq'a ukhupitaj uj lawrashaj nina jina kanankupaj. Qayllapi kaj suyukunata, lloq'enpi kajta, pañanpi kajtapis phirenqanku. Chantá runakuna watej Jerusalenpi tiyakonqanku.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

Nahúm 2:11

11 (12) Leonkunaj jusk'unkupi imañataj qhepakunri? Uña leonkunaj thapankupipis imallañataj qhepakunri? Chaypimin león uñankunantin pakakoj, manataj pipis paykunata mancharichejchu.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.

Proverbios 30:30

Leonqa tukuy animalmanta aswan kallpayoj kaspa, manapuni imamantapis manchachikunchu.

Salmos 17:12

Paykuna yarqhasqa leonkuna jina kanku. Jusk'unkupi pakakuspa, ujllata phinkiykunankupaj jina suyashanku.

Deuteronomio 33:20

Jinallataj Moisesqa Gad jatun ayllumanta parlaspa, nillarqataj: Jatun jallp'ata qosoj Diosqa jatunchasqa kachun. Gadqa león jina wateqaspa winkurin, runaj makinta, umantawan ima sik'inanpaj.

Números 23:25

Chaymantá Balacqa Balaamta nerqa: Sichus kay runakunata mana maldicinkichu chayqa, amaña niychu allin rinanta, nispa.

Nahúm 2:12

12 (13) Leonqa jap'isqanta uñankunaman, mamankumanpis rak'iraj, jap'isqanwantaj jusk'unman junt'achej.

1 Reyes 10:20

Chunka iskayniyoj leonkuna sapa ladopi sojtakama kallarqataj. Mana ni mayqen suyupipis chayman rijch'akoj kasqachu.

2 Crónicas 9:18

Chay kamachina tiyanaqa sojta patillakunayoj karqa, kallarqataj qorimanta ruwasqa chaki saruna. Tiyanan iskaynin ladonpitaj maki atirikunayoj karqa, chaywan khuskataj iskay sayashaj leonkuna ruwasqa karqa.