Números 23:21 - DIOSPA QHELQACHISQ

²¹ Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

Qheshwa Biblia DC

²¹ Ni pipis Israelpeqa ch'aukiyayta tarinchu, nitaj ima sajrata chay Jacobpa wawasnimpi. Señor Diosninkoqa paykunawan kashan, paykunaqa ninku Señorqa reyninku kasqanta.

DIOSPA QHELQACHISQAN DEUTEROCANONICAL

²¹ Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

Números 23:21 Referans Kwoze

Salmos 23:4

Ch'in laqha wayq'ota puriyman chaypis, mana imamantapis manchachikusajchu, imajtinchus qanqa noqawan kashanki. Varaykiwan, tojnuykiwan ima jark'awasqaykirayku qanpi astawan atinikuni.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

Jeremías 50:20

Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Isaías 38:17

Arí, kay jina ñak'arisqayqa noqaj allinniypaj karqa, imaraykuchus wañuymanta qhespichiwarqanki, tukuy juchaytapis pampacharqanki.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Romanos 6:14

Juchaqa manaña patronniykichejchu munasqanta ruwachisunaykichejpajqa, imaraykuchus manaña Moisespa kamachisqankunaman jinachu kawsankichej, manachayqa Diospa qhasilla k'acha yanapayninman jina.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Salmos 118:15

Cheqanta ruwajkunaj wasinkupi atipasqankurayku kusiymanta takisqanku uyarikun: Tata Dios jatun atiyninwan t'ukuna imakunata ruwan, nispa.

Salmos 97:1

Tata Diosqa Kuraj Kamachejmin. Tukuy kay pacha kusikuchun. Mama qocha chawpipi churukunapis kusikuchunku.

Deuteronomio 33:5

Tata Diosqa Jesurunpi kuraj kamachej karqa, maypachachus llajtamanta kurajkuna, Israelmanta ayllukunawan ima tantakorqanku chaypacha, nispa.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Salmos 103:12

Imaynachus inti llojsimuynej inti yaykuynejmanta karupi kashan, ajinallatataj payqa juchanchejta noqanchejmanta karunchan.

Salmos 46:7

7 (8) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Salmos 32:2

Kusikuyniyojmin, Tata Diospa mana juchachasqan runaqa, pejpa sonqonpichus q'otiyayta yuyana mana kanchu, chay runa.

2 Crónicas 13:12

Kayta yuyarikuychej: Diosqa kamachejniyku jina noqaykuwan kashan. Sacerdotekunataj wakisqaña kashanku maqanakuman rispa cornetata waqachinankupaj. Chayrayku qankuna, Israel ayllumanta kajkuna, ama ñawpa tataykichejkunaj Tata Diosninpa contranpi maqanakuychejchu, imaraykuchus paytaqa mana atipawajchejchu, nispa.

Jueces 6:13

Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Éxodo 13:21

Chantá ñanta rikuchinanpaj Tata Dios paykunaj ñawpaqenkuta rerqa, p'unchayqa chhoqo phuyupi, tutantaj ninapi, ajinamanta israelitakuna tuta p'unchay purinankupaj.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

2 Corintios 2:14

Manaraj chaymanta astawan parlashaspa, kayta nini: Diosta pachis nina, imaraykuchus paymin tukuyta atipaj Cristowan khuska yanapawayku noqaykupis atipanaykupaj. Ajinamanta Dios tukuynejpi yachayninta noqaykunejta rejsichin, sumaj q'aparishaj incienso jina.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Números 14:18

Noqa Tata Diosqa mana usqhayllata phiñakojchu kani. Noqaj khuyakuyneyqa may jinamin. Noqaqa millayta ruwajta, mana kasukojtapis qhespichini chaypis, juchayojta mana qhawakullanichu. Aswanpis tatanku mamanku juchallisqankumanta, wawankuta, allchhinkuta, allchhinkoj wawankutapis jasut'ispa ñak'arichini, nispa.

Números 14:19

Chayrayku Tata Diosníy, khuyakuyniyki mana tukukuyniyoj kasqanrayku, mañarikuyki kay runakunaj millay ruwasqankuta pampachanaykita. Qanqa, Egiptomantapacha kaykama juchankuta pampachaspa karqanki, nispa.

Deuteronomio 9:24

Qankunata rejsisqay p'unchaymantapacha qankunaqa Tata Diospa contranpi oqharikullankichejpuni.

Deuteronomio 31:23

Tata Diostaj Nunpa churin Josueman kay jinata kamacherqa: Qanqa kallpachakuy, waputaj kay, imaraykuchus qanmin israelitakunata, paykunaman qonayta nerqani, chay jallp'aman pusaykunki. Noqataj qanwanpuni kasaj, nispa.

Deuteronomio 32:5

Millay ch'ichi sajra sonqo runakuna, Diosta phiñachejkuna, qankunaqa mana Diospa wawan kanaykichejpaj jinachu kankichej.

Levítico 9:24

Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Números 9:22

Sichus uj mashkha p'unchayllata, chayrí uj killata, chayrí uj watata Dioswan Tinkukuna Toldo patapi phuyu sayaj chayqa, israelitakuna mana purirejchu kanku. Phuyu oqharikoj chaypachatajrí, purirejpacha kanku.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

Salmos 99:2

Tata Diosqa Sión orqopi may jatunmin, paytaj tukuy suyumanta aswan patapi kashan.

Salmos 135:21

Jerusalenpi tiyakoj Tata Dios Sionmantapacha jatunchasqa kachun. Arí, Tata Dios jatunchasqa kachun.

Isaías 33:21

Tata Diosqa chaypimin tukuy atiyninta rikuchiwasun. Payqa jatun mayu jina kanqa, sumajta rishaj ashkha yaku jinataj. Awqakunaqa chay mayuta mana chimpayta atenqankuchu juch'uy barcowan, nitaj jatun barcowanpis.

Joel 2:27

Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.