Números 21:34 - DIOSPA QHELQACHISQ

³⁴ Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.

Qheshwa Biblia DC

³⁴ Señortaj Moisesman nerqa: Ama manchachikuychu chay runasmanta, noqa makisniykiman churasaj, tukuy soldadosnintinta llajtantinta ima. Ajinallatataj qan paywan ruwanki, Sehonwan ruwarqanki, chaynejpi tiyakoj amorreospa reynin Hesbonwan, ajinata, nispa.

DIOSPA QHELQACHISQAN DEUTEROCANONICAL

³⁴ Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.

Números 21:34 Referans Kwoze

Josué 8:7

Chantá qankunaqa pakakushasqaykichejmanta llojsimuytawan, llajtata jap'inkichej, imaraykuchus Tata Diosniykichej chay llajtata makiykichejman jaywasonqachej.

Isaías 41:13

Noqa paña makiykimanta jap'isoj Tata Diosniyki kani, niykitaj: Ama manchachikuychu, imaraykuchus noqa yanapasqayki, nispa.

2 Reyes 3:18

Chaywanpis chayqa Tata Diospaj ni imapischu, imajtinchus payqa moabitakunatapis atipayta yanapasonqachej.

1 Reyes 20:28

Chaypacha Diosmanta sut'inchajqa Israelpa kuraj kamachejninta nerqa: Tata Dios ajinata nin: Siriamanta kajkunaqa ninku: Tata Diosqa orqo cheqanejmanta Dioslla, manataj pampamanta Dioschu, nispa. Chayrayku kunanqa yanapasqayki atipanaykipaj chay chhika soldadokunata. Ajinapi yachanki noqa Tata Dios kasqayta, nispa.

1 Reyes 20:13

Chaypachallataj Israelmanta kuraj kamachej Ajabman Diosmanta uj sut'inchaj jamuspa, nerqa: Tata Dios ajinata nin: Rikunkichu chay chhika runakunata? Kunanqa noqa maqanakupi atipachisqayki, yachankitaj noqa Tata Dios kasqayta, nispa.

2 Samuel 5:19

Chayraykutaj Davidqa Tata Diosta taporqa: Filisteokunawan maqanakoj riymanchu? Paykunawan maqanakojtiyrí, atipayta yanapawankimanchu? nispa. Tata Diostaj kuticherqa: Arí, maqanakoj rillay. Noqa yanapasqayki atipanaykipaj, nispa.

1 Samuel 23:4

Chantá Davidqa ujtawan Tata Diosta tapullarqataj, Tata Diostaj kay jinata nerqa: Rillayña Keilaman, imaraykuchus noqaqa filisteokunata atipaykuyta yanapasqayki, nispa.

Jueces 11:30

Jeftetaj Tata Diosman imatachus qonanta kay jinata nerqa: Sichus amonitakunata atipayta yanapawanki chayqa,

Josué 10:25

Chantá Josué nillarqataj: Ama manchariychejchu, nitaj llawch'iyaychejchu, astawanqa kallpachakuychej, waputaj kaychej, imaraykuchus Tata Diosqa ajinatapuni ruwanqa qankunawan maqanakoj tukuy awqaykichejta, nispa.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Deuteronomio 31:6

Jinaqa kallpachakuspa wapu kaychej. Chay runakunata ama manchachikuychejchu, nitaj kharkatitiychejchu, imaraykuchus Tata Diosniykichejqa qankunawan kashan. Payqa mana saqerpayasonqachejchu, nitaj wijch'urpayasonqachejchu, nispa.

Deuteronomio 20:3

Israelitakuna, uyariychej: Kunan awqaykichejwan maqanakoj rinkichej. Ama iskayrayankichejchu, amataj manchachikunkichejchu, nitaj kharkatitinkichejchu, nillataj q'ewakunkichejchu,

Deuteronomio 7:24

Kuraj kamachejninkutapis Tata Diosqa makillaykichejmantaj churasonqachej. Paykunamanta yuyarikunatapis kay pachamanta chinkachinkichej. Paykunata tukuchinaykichejkama, mana pipis qankunaman sayaykuyta atisonqachejchu.

Deuteronomio 3:11

Refaitakunamanta jatunkaray runakuna nisqamanta, Basanta kuraj kamachej Ogllaña qhepakorqa. Puñunanqa fierromanta ruwasqa karqa, sayt'unman tawa metro, kinrayninmantaj yaqha iskay metro jina. Chay puñunanqa kunankama amonitakunaj llajtanku Rabapi kakushan.

Números 14:9

Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

Números 32:4

Tata Dios israelitakunapaj jap'isqan jallp'aqa uywata mirachinapaj manchay sumaj kashan. Noqaykojta ashkha uywayku tiyapuwayku.

Deuteronomio 2:30

Jesbonmanta kuraj kamachej Sijontajrí jallp'annejta mana pasachiyta munawarqanchejchu, imaraykuchus Tata Diospuni makiykichejman payta jaywaykunanpaj sonqonta rumiyacherqa.

Deuteronomio 3:1

Chaymanta llojsispa, Basanman rej ñanta jap'irerqanchej. Chantá Basanta kuraj kamachej Ogñataj tukuy soldadonkunawan ima Edreypi maqanakoj llojsimuwarqanchej.

Deuteronomio 7:17

Ichapis sonqoykichejpi niwajchej: Kay suyukunapi runaqa noqaykumanta aswan ashkha kanku. Imaynatataj paykunata wijch'uyta atiykumanri? nispa.

Deuteronomio 7:18

Qankunaqa ama paykunata manchachikuychejchu. Tata Diosniykichej faraonwan, chantá tukuy Egipto llajtayojkunawan imatachus ruwasqanta yuyarikuychej.

Deuteronomio 7:21

Chayrayku paykunata rikuspa, ama q'ewayaychejchu, imaraykuchus may jina atiyniyoj manchachikuna Tata Diosniykichejqa qankunawan kashan.