Números 21:25 - DIOSPA QHELQACHISQ

²⁵ Israelitakunaqa amorreokunamanta tukuy llajtata qhechuspa jap'erqanku, Jesbón llajtata, chantá muyuyninpi kaj juch'uy llajtakunatawan. Chaykunapitaj tiyakorqanku.

Qheshwa Biblia DC

²⁵ Ajinamanta israelitasqa amorreospa llajtasnimpi tiyakaporqanku, Hesbón llajtaspi, tukuy campo jallp'asnintimpi.

DIOSPA QHELQACHISQAN DEUTEROCANONICAL

²⁵ Israelitakunaqa amorreokunamanta tukuy llajtata qhechuspa jap'erqanku, Jesbón llajtata, chantá muyuyninpi kaj juch'uy llajtakunatawan. Chaykunapitaj tiyakorqanku.

Números 21:25 Referans Kwoze

Amós 2:10

Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Ezequiel 16:53

Chaywanpis aswan qhepaman noqaqa Sodoma llajtata, Samaria llajtata ima ñawpa tiempopi jina allin kawsayman kutirichisaj, jinallataj ususinkukunatapis. Qantapis ñawpa tiempopi jina allin kawsayman ujtawan kutirichisqayki.

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.

Ezequiel 16:46

Kuraj ñañaykeqa Samaria llajta karqa, pichus wichaynejpi ususinkunawan tiyakorqa, chay. Sullk'a ñañaykitaj Sodoma llajta karqa, pichus uraynejpi ususinkunawan tiyakorqa, chay.

Jeremías 48:45

Kallpanku llawch'iyasqa ayqekojkunaqa Jesbón llajtapi pakakuyta mask'anqanku. Jinallapi Jesbonmanta kuraj kamachej Sijonpa llajtanmanta nina llojsimonqa. Chayqa Moabmanta ayqejkunata ruphaykonqa, chay ch'ajwa mask'aj runakunata.

Jeremías 48:34

Jesbonmanta runakuna nanaywan qhaparisqankoqa uyarikun Elealekama, Yahaskama. Jinallataj Soarmanta Joronayinkama, Eglat Selisiyakamataj uyarikullantaj, imaraykuchus Nimrín cheqapi yaku juturikunapis ch'akipunku. Noqa Tata Diosmin chayta nini.

Jeremías 48:2

Moab suyoj runaykachaynin tukukonqa, imaraykuchus Jesbón llajtapi awqankuna umachakuspa, wakichikunku Moabta imaynamantachus chinkarparichinankupaj. Qan, Madmena, phirisqallataj kanki, maqanakupis qhepallaykitapuni jamonqa.

Isaías 15:4

Jesbonwan, Elealewanpis maytapuni qhaparinku, chay qhaparisqankutaj Yahaskama uyarikun. Chayrayku Moabmanta wapu soldadokunapis maytapuni mancharikuywan qhaparinku.

TAKIYKUNA 7:4

4 (5) Kunkaykeqa marfilmanta ruwasqa torre jina, ñawisituykitaj Jesbón llajtapi Bat Rabín punkupi yaku qocha jina. Senqaykeqa Líbano torre jina, Damasco llajtaman qhawarisqa.

Deuteronomio 2:12

Unayqa Seir jap'iynejpi Hor llajtayojkuna tiyakusqanku. Qhepanejmantaj Esaúj mirayninmanta kajkuna paykunata chinkachispa, jallp'ankupi tiyakorqanku, imaynatachus israelitakuna Tata Diospa qosqan jallp'amanta cananeokunata wijch'orqanku, ajinata.

Números 21:31

Ajinata israelitakuna amorreokunaj jap'iyninkuta jap'erqanku.

Números 21:26

Jesbón llajtaqa amorreokunaj kuraj kamachejninku Sijonpa kamachinan llajta karqa. Kamachej Sijontaj Moab suyuta ñawpa kuraj kamachejta maqanakupi atipaykuspa, Arnón mayumantapacha jap'iyninta qhechuykusqa.

Jueces 11:26

Kinsa pachaj wataña kanqa Jesbón llajtapi noqaykoj tiyakusqaykoqa, chantá Aroerpi, jinataj chay qaylla ranchokunapi, ajinallatataj Arnón mayu qaylla llajtakunapipis. Imaraykutaj mana aswan ñawpajmantaña chay suyukunata qhechuwarqaykuchuri?

Números 32:3

Atarot, Dibón, Jazer, Nimrá, Jesbón, Eleale, Sebán, Nebo, Beón ima,

Josué 24:8

Chantá noqaqa amorreokunaj jap'iyninkuman pusamorqaykichej, Jordán mayu inti llojsimuynejman. Amorreokunaqa qankunawan maqanakorqanku, noqataj paykunata atipaykucherqaykichej. Jinamanta qankunaqa jallp'ankuta jap'erqankichej.