Números 20:14 - DIOSPA QHELQACHISQ

¹⁴ Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta.

Qheshwa Biblia DC

¹⁴ Cadesmantapacha Moisesqa kachasta kacharqa Edom reyman, nichispa: Wauqesniyki israelitas nichimusunki: Qan allinta yachanki imaschus noqaykupaj kasqanta.

DIOSPA QHELQACHISQAN DEUTEROCANONICAL

¹⁴ Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta.

Números 20:14 Referans Kwoze

Deuteronomio 23:7

7 (8) Edomitakunatarí ama chejnikunkichejchu, imaraykuchus paykunaqa aylluykichejraj kanku. Nillataj Egipto llajtayojkunatapis chejninkichejchu, imaraykuchus paykunaj llajtankupi waj llajtayoj jina tiyakorqankichej.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

Josué 9:9

Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.

Éxodo 18:8

Chantá Moisés suegronman willarqa Tata Dios israelitakunata munakusqanrayku imatachus ruwasqanta. Jinallataj willarqa imaynatachus faraonta, jinataj Egipto llajtayojkunatapis jasut'ispa ñak'arichisqanta, chantá ñanta jamushaspa imakunatachus israelitakuna muchusqankuta. Willallarqataj imaynatachus paykunata Tata Dios waqaychasqanta ima.

Génesis 25:23

Tata Diostaj nerqa: Wijsaykipi kaj wawakunaqa iskay suyuta jatarichenqanku. Wijsallaykipiraj iskay ayllu t'aqanasqa kashanku. Ujnin kajqa ujninmanta aswan atiyniyoj kanqa, kuraj kajtaj sullk'anpa kamachin kanqa, nispa.

Números 13:26

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.

Números 20:15

Ñawpa tataykukuna Egiptoman riporqanku, chaypitaj unayta tiyakorqanku. Egipto llajtayojkunatajrí noqaykuta, ñawpa tataykuta jina, mayta ñak'arichiwarqayku.

Números 20:22

Tukuy israelitakuna Cadesmanta puririspa, Hor nisqa orqonejman chayarqanku.

Josué 2:9

Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Josué 2:10

Noqayku uyariyku, Egiptomanta llojsimushajtiykichej, Puka Mama Qochapi yakuta Tata Dios ch'akichisqanta, chayninta qankuna chimpanaykichejpaj. Yachallaykutaj qankunaqa amorreo runakunaj iskaynin kuraj kamachejninkuta, Sijonta chantá Ogtawan atipaspa chinkarparichisqaykichejta. Paykunaqa Jordán mayu chimpapi karqanku.

Josué 9:10

Uyarillarqaykutaj imaynatachus Jordán mayu chimpapi amorreokunajpa iskaynin kuraj kamachejninkuta ruwasqanta, Jesbonmanta kuraj kamachej Sijonta, Basanmanta kuraj kamachej Ogtawan, pikunachus Astarotpi tiyakorqanku, chaykunata.

Amós 1:11

Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Génesis 25:25

Ñawpajta paqarejqa p'aqo, tukuy ukhuntaj thapulla karqa. Chayrayku “Esaú”, nispa suticharqanku.

Génesis 25:26

Chaymantataj qhepanpachata sullk'anñataj paqarerqa, Esaujpa chaki talonninta ujnin makinwan jap'irisqa. Chayrayku “Jacob” sutiwan suticharqanku. Isaac sojta chunka watayoj kashajtin, warmin Rebeca paypaj wawayoj karqa.

Génesis 32:29

29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.