Números 19:18 - DIOSPA QHELQACHISQ

¹⁸ Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

Qheshwa Biblia DC

¹⁸ Chaymantaqa llimphupaj qhawasqa kaj runa chay yakuwan, hisopo ramawan chhapuspa ch'ajchumuchun: Toldota, toldo ukhupi imaschus kajta, chaypi kaj runastawan. Jinallataj pichus aya tullusta, runa wañuchisqata, chayri runa wañusqata, chayri aya p'ampanata llankhajta.

DIOSPA QHELQACHISQAN DEUTEROCANONICAL

¹⁸ Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

Números 19:18 Referans Kwoze

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Números 19:9

Chantá llimphupaj qhawasqa uj runa ruphasqa wakaj ushphanta oqharispa, jaramanta jawapi llimphupaj qhawasqa cheqaman apanqa. Chantá chaypi chay ushphata churanqa, israelitakuna chaywan llimphuchakunapaj yakuta wakichinankupaj. Chayqa juchata pampachanapaj jaywanamin.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

San Juan 17:19

Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

San Juan 17:17

Tatáy, nisqaykeqa cheqapuni. Kunantaj nisqaykita kasusqankurayku paykunata qanpaj t'aqay.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Hebreos 9:19

Maypachachus Moisés kamachisqaj tukuy nisqanta israelitakunaman ñawiriporqa chaypacha, pay torillokunaj yawarninta, chantá chivokunaj yawarninta ima chuwapi yakuwan chajrorqa. Chantá tiñisqa puka millmawan, hisopo qhorawan ima chay p'anqaman, chantá tukuy israelitakunaman ima ch'ajchuykorqa.

Números 19:17

Mana llimphupajchu qhawasqa runata llimphuchanapaj, juchata pampachanapaj ruphachisqa wakaj ushphanta uj chhikata uj p'ukuman churanqa. Chaymantaj pujyumanta yakuta orqhospa jich'anqa.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Isaías 52:15

Ajinallatataj tukuy suyuta t'ukuchenqa. Kuraj kamachejkuna paypa ñawpaqenpi ni parlariytapis atenqankuchu, imaraykuchus mana jayk'aj rikusqankuta rikonqanku, jinataj mana jayk'ajpis uyarisqankuta entiendenqankuchu.

Salmos 51:9

9 (11) Juchayta ama qhawaychu, aswanpis tukuy millay ruwasqayta qonqayman churay.